台灣挺挺動物巡迴展

活動策劃團體，以及好多藝術家都為咗挺挺動物，做咗好多唔同嘅創作。
而呢一個展覽喺台灣唔同嘅學校開始巡迴展出， 唔止比大家欣賞我哋嘅創作，亦都希望大家多啲去關注動物權。

喺香港保護動物嘅法例好落後， 好多虐待動物嘅個案，施虐者都得唔到 應有嘅懲罰…..
動物從不是人類嘅附屬品，佢哋都係一個對等嘅生命，都值得尊重。

幾時香港喺保護動物嘅法例上面先至會有進步呢？
幾時先能夠有動物警察呢？幾時保護動物嘅意識先至可以強大起來呢？
台灣呢個挺挺動物展，一直都會喺唔同嘅學校裡面做宣傳教育嘅工作，我覺得好有意義，好榮幸可以為保護動物出一分力….

我亦希望係香港有一日都可以喺呢一方面做更多嘅功夫，讓更多人明白 尊重生命 係作為一個人應該要做嘅義務同埋責任！！

<挺挺動物展>現在在嘉義南華大學展出中，展期到4月中，下一站作品會轉到台中仁美國小展出。
在台灣的朋友要留意喔！