內疚
好多種唔同嘅關係裡面，內疚感係一種常見的情緒，而很影響自己去愛同被愛。內疚感係不自覺地主動或被動而產生的。
例如，父母曾經會喺仔女面前講過，唔想生佢，覺得佢哋係負累…etc；令小朋友會變得覺得自己係負擔而否定自己嘅價值，自我形象很低；伴侶關係裡面，一方感覺自己付出比較多而怪責對方，怪責因自己付出而犧牲了夢想…..令家庭嘅成員產生一種虧欠內疚嘅感覺。
有些人更會利用這種內疚感，去刻意報復，甚至用言語或者行為去傷害對方，令到對方覺得內疚，以達到控制人哋嘅自私嘅目的。
無論係主動或者係被動而形成嘅呢一種內疚感，出現喺每一段關係裡面，都係一個好大嘅傷害，任何人都唔會得到幸福。
沉溺喺內疚裡面嘅人，好容易被人哋控制，因為佢哋永遠都覺得自己唔夠好。
為咗去得到別人的認同，於是委屈自己嘅情感，埋沒自己嘅個性 ，冇照顧到自己嘅情緒，去遷就人哋。
其實我哋要知道，自己係不必感到內疚！即使我哋有做過某啲唔啱嘅事，或者做得唔夠好嘅事情。
其實長期嘅內疚，亦都唔可以解決問題！！！！
反而會拖長真正 解決問題的時間！！！
原諒和放下，大家決心去面對、改變、更正才是唯一令事情由錯誤變得有價值的方法。
每一個人都應該要對自己嘅生命負責任，
每一個人都係獨立嘅個體。
每一個人也不是聖人，也不完美。
每一個人都唔應該去為咗另一個人自私嘅要求，或者佢哋嘅需要，而犧牲自己。
每一個人也不應該要求任何一個人去成全自己的所有，
每一個人都不應該將自己舉到最高。
愛，係應該基於互相尊重同埋互相寬恕，係一個公平、理性，有愛嘅環境下，而建立嘅健康關係。
放過自己，放過別人，好好去愛人和愛自己吧!
Fb: maysumofficial
Website:wahahafactory.com
