不再令自己心碎

Jan 16 2018

有位朋友問我意見，佢問我如果有個人因小事嬲左我，什至block左我，會唔會主動去再聯絡佢？我說“不會！”

或者有些人會覺得我冷漠，只是凡事都有原因的。
現在的我，只要我肯定地知道自己心安理得，沒有負了別人，別人如何的反應我尊重。
但朋友這回事是雙向的，沒緣就沒緣呀，何必勉強？
從來付出就不求回報，
因為甘心樂意先至會付出去愛，同埋關顧。
但對方如果唔願意接受呢一份心意，
又或者對方連基本嘅尊重同重視都冇嘅話，
咁我就會放手…..

現在的我會選擇珍惜互相尊重同重視的朋友，人大了情感不再泛濫了，也經不起被任意傷害了。

以前我很在乎別人的想法，甚至諗太多…..
時刻驚自己講嘢傷害到人，
驚自己嘅行為令到人唔舒服唔開心，

驚人地唔終意自己，
驚人地誤會自己…..

即使別人講盡最mean嘅說話,
自己心裡其實很想很想用返同一個語氣，態度同內容同對方講，但係就係因為知道嗰種委屈和難受，
就係死都講唔出口…..
有時會好嬲自己點解冇人哋嗰種勇氣呢(其實係mean氣)！？
我幻想如果我都能夠講得出嗰一啲說話，或者對方會明白自己嘅講嘅內容同埋態度係幾咁令人難受…..
但同對方爭持既畫面從來只有在自己腦海中不斷徘徊
天生罵唔到人真係無辦法呀……

於是好多時就出現在兩種情況，
1.心裡面既委屈一直積壓，直到有一日頂唔順，於是自己從此同對方終止關係…..

2.又或者終於有一日bii到少少反擊既勇氣，爆佢一獲勁既(但之後又勁後悔，反覆去諗自己好似好衰咁)

而旁人會好驚訝，做咩你突然間變左另一個人！？什至覺得我反應誇張，
覺得咀小事….
但其實佢地唔知，我中間係不斷被對方傷害傷害再傷害….忍左幾耐幾耐幾耐…..爆炸的那一點再少都不再承擔到了

但我想說的是…..忍，真的很累人
而若果不想忍，但真係個人不喜歡爭持，自己又惡不了呢…
這種矛盾又多年地糾纏著….
後來，
我發現那從來不是誰的錯，而是自己在勉強呀！！！

我們得要明白不是所有你身邊出現的人都必須要有緣和夾得來的。

世界充滿著形形式式嘅人，
分別是兩個世界的人，你的準則，你的道理，你的感情都不會在別的世界行得通！

對方佢反擊或拒絕你，其實或者佢係為咗保護屬於自己嘅小宇宙，自己嘅小天地；又或者佢根本唔想你闖入佢嘅空間，唔想佢既空間中有你呢？
那
佢沒有錯，你都沒有錯呀。

其實人係好聰明嘅，
每一個人只要相處過一段日子之後，
夾唔夾，或者相唔相處到其實一早已經知道….
只不過我哋好多時候都唔會去面對／接受，又或者以為用自己嘅方法可以令到對方改變，將對方變成自己個世界的人。
但係其實你知道是不可能的，
又其實想一想，你又想／能將自己變成另一個世界的人嗎？

所以點解要迫對方改變呢？

放手吧，
兩個世界完全唔一樣嘅人點解一定要溝埋呢？
跳返出嚟，容讓大家係各自己既世界裏面，
舒服地生活吧。

道不同不相為謀，從來都形容得很真摯

無論係夫妻，情侶，朋友都好，
搵對的人，搵最值得令你能舒服地甘心樂意地付出的人相處吧。