太乙神數 – 乜嚟架?

網誌

講起術數,大家好多時都係聽到「奇門、六壬、鐵板神數、紫微斗數、八字、風水、占卜、文皇卦」等等。一定好少聽到人講一樣術數叫「太乙神數」。究竟係咩嚟嘅?

「太乙神數」係中國古代三款術數《太乙、奇門、六壬》之一;而「太乙神數」係三式中,最Top嘅一種。除咗難學之外,重要識奇門遁甲、六壬神課、天星象 先可以用得淋漓盡致。至於係最Top嘅一種術數是因為以前皇帝攞嚟打仗用;亦因為「太乙神數」涉及太多政策、軍隊陣容、敵方動機、國運興衰、出兵方向會唔會有極端嘅天氣《天災人禍》、疾病、戰爭/行軍打仗勝算有幾多 等等機密嘅資訊,所以以前「太乙神數」、「奇門」一律唔畀平民私下收藏、或研究。只有「六壬神課」先可以畀平民百姓使用。

「太乙神數」除咗用嚟《打仗》用之外,仲可以用嚟︰

  • 擺大型風水陣:如起紫禁城。因為北京冇山《即係冇靠山》,所以起紫禁城嗰時,係用咗當年「太乙星」做靠山。
  • 買賣大型基金/合併收購 Merger & Acquisition宜家啲大型基金大食細,咁你食佢之前,唔知道對方有幾個籌碼,食唔食到,幾時去食佢等等。「太乙神數」可以話你聽,對方有幾多籌碼。
  • 電子競技比賽:「太乙神數」+「奇門遁甲」同時用,可以話畀你聽今日打這場 online game贏定輸,對方策略,對方死穴喺邊度《位置》。
  • 上市公司擇日上市用。
  • 火箭升空用。
  • 預測樓市、股票市場上落。

 

雖然而家科技好發達,有天文台、人造衛星(Satellite),但仲未可以預測到幾時會有天災人禍。好似最近「太乙神數」就可以預測到:

1)「中國 – 太乙神數」盤內,今年飛得嘅東西都容易遇到破壞性嘅現象。

FACTS: 3/July/2017。大陸火箭發射失敗。

2)「中國 – 太乙神數」盤內,今年四川 一帶會有天災,

FACTS: 8/Aug/2017 – 21:19p.m.,「月偏食」後,四川九寨溝發生七級地震。

 

大家可能有個小問題:「中國 – 太乙神數」盤? 是否有其他國家的「太乙神數」盤?答案是:當然啦。

 

好似今年「日本/韓國 – 太乙神數」盤內,有一個凶象:就是「太乙星/始擊星」同坐一個位置:即係好似有個炸彈坐喺你屋企一樣,睇下幾時爆炸。同時你亦可以想像到,個炸彈就係《北韓》,屋企就係《日本》。

至於美國方面,今年有「太vs太乙/四神」,再加上《日蝕》,即係會有嚴重雨災及其他天凶出現。21.08.2017美國Texas東南部4級颶風哈維」吹襲,帶來嚴重破壞,逾33萬戶停電,最少5人死亡及30人受傷,多達40人失蹤,逾2,000班航班取消及延誤

其實在「酉月」期間《 07.Sept.2017 至 07.Oct.2017》 ,美國依然會有好多麻煩事發生,天災人禍難免,不用我說,大家有目共睹

其實有好多中國嘅『術數』都唔會配合天文地理去讀,例如鐵板神數、紫微斗數、八字、風水、占卜、文皇卦。但「太乙、奇門、六壬」就會配合天文地理一齊去讀。

 

以前「司天監」會夜觀天象,看水星、金星、月亮、火星、木星、28星宿《12星座》、北極星有冇異樣嘅情況出現,再加上「太乙神數」盤內嘅星斗而斷定一年、或流月嘅吉凶。例如五星連珠會造成地震海嘯、或改朝換代的徵兆;又或者有流星飛入28星宿嘅心宿《Sagittarius-射手座》,咁嗰年會有皇帝、或總統死亡的先兆。

好似聽咗咁多樣嘢,冇樣好。但我哋中國人有一句說話:「無災便是福」。所以「太乙神數」基本上係教你防備一些凶嘅事情。

 

但「太乙神數」內有一顆星叫「五福星」,可以化解天災人禍,添福,甚至可以增加人緣運。喺2017年 / 2018年「五福星」都會在《西南位》,咁我哋可以喺屋企、或辦公室的『西南位』,擺放「五福鼠」《要開光》,便可以有效添福 和 添人緣運《尤其是單身嘅朋友不防試試》。

你可能也喜歡

Recommended