Ask Joven: 說一生一世也太早了吧!

網誌

廣告

Hi Joven:

大學二年級女生第一次拍拖,初時覺得佢幾可愛,幾得意,開始同佢傾計,都只係覺得佢幾好咁…結果誤打誤撞,係街都未出過既情況之下就同佢一齊左。佢一直對我好好,好到我覺得自己唔值,亦話我知佢有幾鍾意我。

但我自己好奇怪,總係度度都覺得同佢唔夾。之前成日忙會ignore左佢,好耐先覆一次whatsapp,但諗深一層其實係自己唔著緊呢段關係,甚至會諗其實自己係咪真係鍾意佢。直至有一次佢開口同我講,覺得呢段關係唔應該係咁,我先發現自己係會著緊,可能係鍾意佢,又可能只係習慣有個人對自己咁好…

想講既係,我有一種感覺係I like this guy, but he is not the right one.

相處上都幾開心,只係長遠來講我知佢唔係我想過一輩子既人,雖然我知自己仲好年輕,但拍拖總想搵一個可以安定、長遠落去既人。但係對住佢,又有一種唔夾,唔安落既感覺…到底我地可以點走落去?

Thanks Joven!

Alicia

Love Alicia:

或許真的是時代不同了,網絡年代,甚麼都可以發生!「在未出街的情況下就同佢一齊」,我的理解是: 沒見過面的情況下決定拍拖。雖然你們chat 過,但真人相處是另一件事。大概你也聽過不少在網上以為交上了王子,原來見面是一個爛人的故事吧! 所以 ,當真正相處的時候,你覺得不對勁絕對是正常不過的事。畢竟,要了解一個人需要很多時間的觀察。加上你是第一次拍拖,也需要時間了解自己呀!

嗱,事情既然而經發生,不打緊,就坦白跟他說你需要大家後退一步,再從朋友開始。

又話時話,你還年輕,不要時常想著他是不是the right one,你也缺乏拍拖經驗,不要馬上就想一輩子的事吧! 不是叫你濫交,不過 practice makes perfect,從經驗中學習,了解自己的喜好,才考慮一生一世也不遲。

總之就咪急於拍拖,結婚啦!!

遇上愛情或生活上問題,歡迎電郵我– [email protected]

你可能也喜歡

There are no comments

Add yours