編輯開箱 編輯開箱

編輯開箱!CHANEL全新ROUGE COCO FLASH又滋潤又顯色!

護膚保養

屋企唇膏數量排山倒海,但若果有一支可以令你有決心用到底,嗰支就係你嘅命定唇膏!今次編輯開箱要試嘅呢款CHANEL全新ROUGE COCO FLASH透亮光感唇膏,單睇外表已經相常吸引,既有經典嘅黑金包裝,仲有華麗嘅透明蓋透現唇色,加埋又滋潤又顯色嘅質感,未試上嘴已經心心眼!佢會唔會就係你下一支命定唇膏?

(Presented by Chanel)圖片來源:New Media Group

講真,始終雙唇狀態唔係365日都咁好,所以唇膏真係要夠滋潤、顯色先係王道。今次要開箱嘅CHANEL全新ROUGE COCO FLASH系列正正集合呢兩個優點於一身,而且顏色選擇仲好多,可以俾你平時日日用都唔怕乾,夜晚轉妝都仲依然水潤有光澤,唔會成嘴死皮同乾紋!講開轉妝,聽講今個系列仲有3支變妝神器,即睇有咩特別!

(圖片來源:NMG)
(圖片來源:NMG)

編輯開箱實測!質感柔滑滋潤

今次唇膏嘅包裝相當華麗,有閃爍透明嘅蓋面,可以透現唇色,靚到暈!打開唇膏,未用已經睇到唇膏面層嘅光澤,喺嘴上輕輕一抹,仲會感覺到唇膏好似瞬間融化,滋潤嘅精華慢慢融入雙唇!原來呢種滋潤感覺嚟自配方入面嘅植物牛油同油脂,佢哋嘅比例恰到好處,可以喺塗抹瞬間遇膚即融,仲可以同唇膏閃爍亮澤嘅妝效配合得啱啱好!塗唇膏後雙唇好似披上一層輕柔又舒服嘅薄紗咁,保護雙唇之餘又可以成日都靚住見人!

(圖片來源:NMG)
(圖片來源:NMG)

開箱實測!27種色百搭好玩

試完質感,當然唔少得試色!呢個系列有27種色:裸粉、橙紅、玫瑰木、赤粉、桃紅、梅紅、暗黑同正紅色等包羅萬有,含蓄、大膽同前衛嘅顏色都令人難以抗拒,無論點轉妝都無難度!而且今次系列仲有3款變妝神器Top Coat,可以喺上唇妝後再上一層,增加唇妝層次感。買幾支唇膏就可以自創出百變妝效,小編覺得呢個系列嘅CP值相當高!

(圖片來源:NMG)
(圖片來源:NMG)

呢7支唇膏都係熱賣之選!
(左至右:#60 BEAT、#62FIRE、#68 ULTIME、#76 ENTHUSIASM、#90 JOUR、#91 BOHEME、#92 AMOUR)

編輯實試!27種色各有驚喜 各種場合都大派用場!

(圖片來源:NMG)
(圖片來源:NMG)

梅紅色系+深邃色系
梅紅、深邃色系神秘誘人,帶點性感,好適合約會嘅時候用!

(圖片來源:NMG)
(圖片來源:NMG)

深紅色系+正紅色系
深紅、正紅色系比較明亮,遇上隆重場合或party時可大派用場,淡淡嘅眼妝配上鮮艷唇色,已可成為閃光燈下嘅焦點!

(圖片來源:NMG)
(圖片來源:NMG)

粉紅色系
粉紅色系可愛度爆燈,柔和嘅粉紅色融入雙唇,自然又唔造作,俾人親切迷人嘅感覺!

(圖片來源:NMG)
(圖片來源:NMG)

裸色系+玫瑰木色系
裸色系+玫瑰木色系比較沉實,適合配襯大地色衣著,帶出優雅氣質。

(圖片來源:NMG)
(圖片來源:NMG)

橙紅色系
可愛嘅橙紅色系,顯得面色精神之餘仲好有活力,而且顏色好易襯,係日日都可以carry到嘅唇色!

ROUGE COCO FLASH $290/ 3g

同場加映!超好玩百變Top Coat

呢3款Top Coat,可以on top加喺唇色上,變出唔同風格,最啱轉妝時用!

(圖片來源:NMG)
(圖片來源:NMG)

#200 Light Up 水凝透亮淡金
水凝透亮淡金Top Coat帶出淡淡嘅金色,加上後可以令唇妝更bling bling!

(圖片來源:NMG)
(圖片來源:NMG)

#202 Warm Up 柔潤光感鮮橙
柔潤光感鮮橙調Top Coat可以令唇妝更加暖和,俾人一種柔美嘅感覺。

(圖片來源:NMG)
(圖片來源:NMG)

#205 Deepness 悶爍神秘迷黑
閃爍神秘迷黑調Top Coat就可以令唇妝色調顯得更深邃,睇落去自然更加性感迷人!

ROUGE COCO FLASH TOP COAT $290/ 3g

CHANEL加價後最新價錢?

CHANEL手袋加價每年都會發生幾次,入手經典的單品絕對是非常不錯的投資,以下CHANEL保值手袋推薦,讓你入手10年也不後悔!除了經典款,近年流行的CHANEL小廢包 絕對值得入手!

有甚麼新手入門CHANEL推薦?

CHANEL入門款式不一定要買手袋,CHANEL銀包 絕對是入門好選擇。入手門檻較低,可選擇CHANEL Logo耳環CHANEL皮帶,簡單又易襯。

你可能也喜歡

Recommended