Staub

開倉價 網購 Staub 鑄鐵鍋 (下)

網誌

上回講到網購這個Staub Round Cocotte Pot 26cm (連蒸隔 ) 的步驟……

好啦,今篇blog完全係搵老公請槍 ……

『 Staub 鍋大約於香港賣四千多元,其實歐洲地區的Amazon,普遍賣二千元以下,仲可以直接輸入香港地址送香港……由於歐洲各地Amazon稅前/稅後價格及運費都有所不同,而直接出口香港的話,是不用繳付消費稅,所以要格價。』

『輸入今次揀咗 Staub 綠色鑄鐵鍋的編號,就可以比較歐洲各Amazon售價,由最平地區開始試下佢地送唔送香港,幸運的是最便宜的意大利Amazon.it可以送香港,除稅連運費不過200歐元左右。連埋信用卡匯率及手續費等等,HK$1,800埋單。』

 

1.經先前介紹的網站click入amazon.it,揀返頭先揀的 Staub 鍋,按此加入購物車。

2.加入之後會建議你買其他 Staub 產品,直接跳去check-out。

3.登入Amazon帳戶。

4.選擇帳戶入面已填好的收貨地址。

5.喺呢度會見到除稅後貨品價錢(箭嘴示),再揀返送貨方法,AmazonGlobal Prioritaria比較平,約十日收貨。

6.揀付款信用卡,個人經驗Master匯率連手續費係平過Visa少少,AE最貴。

7.去到呢一頁距離付款只差一步,請由頭確認一次地址付款送貨等資料無錯,呢度會見到貨價同運費總和。

8.最後小小貼士,俾錢時可以揀用港幣結算,但Amazon的歐元兌港元要成9.1唔抵,今日Master只係約8.74,加埋銀行手續費都唔使9蚊。

『或者你會話香港開倉價可能(係可能)平過我上網買,但我會選擇唔使同人迫同人爭~有乜好得過十幾廿磅個煲,㩒個制有人送到上門呀?』
『Amazon.it網站係用意大利文,但唔使擔心,佢購物帳戶同流程,同Amazon.com 或者 Amazon.co.uk都一樣。你可以喺以上兩個網站開好帳戶,輸入晒送貨同付款資料,再模擬買一次嘢熟習下個網站。(記住去到checkout唔好俾錢呀!如是者唔識意大利文的我,盲摸摸篤篤下,其實都一樣買到嘅。』

以上的網購步驟希望幫到大家,又係時候講拜拜,多謝支持!

 

你可能也喜歡