新娘化妝到底要不要試妝

網誌

廣告

 

新娘化妝到底要不要試妝??

好多人會有這個疑問

 

首先,簡化妝師方面

1.口啤(最緊要睇埋人品,唔係到時係唔係都加錢/態度好差,你就煩)

2.睇作品及資料(我自己係皮膚唔太好既化妝師(天生既><) ,所以敏感同問題皮膚既都係我常客,因為我至少知點幫佢地處理皮膚問題⋯⋯)也可以睇埋化妝師晚STYLE,我化新娘妝最緊要自然為主,同突出個個人既氣質!

3.試妝

 

 

但對於我來說,識唔識都要試妝!

1.我覺得唔識既化妝師,你一定要試,試功力,化得你靚唔靚最重要!現今睇相無用,

你點知佢有無執相?有無偷別人的相?(SORRY我比人偷過,所以我知),所以唔識既化妝師,一定要試妝!

 

2.你個化妝師你係識既,你好有信心既,除非佢化過你,如果唔係都要試。有些時候你有信心,但我地都要真正知道你既皮膚狀態,真正的輪廓⋯⋯我地先會更有準備,對新娘係最好既!而且試左妝,到時可以帶少好多野WOR~~

 

呢位客人搵我化BIG DAY,佢本來話唔想試妝,因為佢家姐BIGDAY係我化既。但我堅持要試妝!

 

1.試左妝,大家安心D,唔駛估估下到時化妝師點化/岩唔岩~你知做新娘本來已經好多野擔心,所以試左妝,你知道個效果,會擔心少一樣!

2.試妝一般由淡至濃試,要襯埋D裙~有時有些新娘想化濃妝,但好多時未試過,所以化左上面又未必接受到,

如無試妝,到時BIGDAY轉妝時間咁短,無可能抹左佢再化過⋯⋯所以試妝係避免爭拗的好方法!

3.有個機會化妝師知道你既皮膚狀態,咁我就可以提你要點護理,到時BIGDAY次前要做D咩保持狀態⋯⋯

 

所以我幫個客試左好幾個妝,

圖中係其中一個淡既同濃既妝

我化新娘妝最緊要自然為主,同突出個個人既氣質!我唔主張化靚左個人,但完全無晒自己個樣⋯⋯

 

試妝TIPS

1.記得影底化左咩妝,因為試妝期可能同BIGDAY有點距離,怕大家唔記得,最好影底佢地~到時互相提番

2.如你有特別想化的妝,可以SEND定REF比個化妝師,等佢幫你試埋,有圖有REF,方便溝通好多

3.化妝師的期都好滿的,試完妝滿意要盡早落訂,因為一直未到落訂個刻,都唔會LOCK期比你的,通常旺季好多客都同一日結婚,所以唔想心儀化妝師比人BOOK左,自己快少少啦~

4.如你皮膚好敏感,最好先帶定自己既粉底同SKINCARE,到時睇情況決定用自己既底定化妝師既,因為我有試過有客話有化妝師既野好污糟,所以呢⋯⋯(我自己超級怕皮膚敏感)所以提提大家醒定D!

5.有些化妝師唔跟全日的,(如我),即是早上化完,中間離開,然後晚上回來轉兩個妝,所以呢D要講清楚!時間都要夾得好。

6.化幾多個人呢?準新娘問價時最好有晒資料,

因為化幾多個人都有影響價錢的,

如我一行就是一team,

如只化新娘,就只有我一個人,一team總比一個人貴吧:)

 

 

BIGDAY係一生人最重要的一次!

祝福大家都搵到個岩心水既化妝師!開開心心出嫁啦~:)

你可能也喜歡