我經常接到一些男性朋友的求救電話,問那裏可以買到又平又見得人的花束,我都會推介佢哋幫襯呢間,平至$580都有交易,論花材到包裝設計一點也不失禮。

慢活,遊花墟 (上)

網誌

廣告

寫了好幾期有關美容心得及產品試用後,今期容許我扮下優雅,風花雪月一番,不要讓自己一輩子忙下去,平日太趕太忙,總要找一兩天讓自己慢下來,細味生活,享受人生,而我最喜愛的其中一種慢活方式,就是花大半天閒遊花墟,有時買花回家左插右插,有時齋行,純粹享受那種百無聊賴的優閒感覺,身心都會即時放鬆,扯回美容頭上,讓自己開心慢活,也是一種養顏秘方。

對於我這位師奶而言買花如買餸,總有幾家店鋪特別鍾情,除了因為買開有感情,都係因為試過買著永不開花的,又或拆開包裝紙後甩皮甩骨的花都有,撞板碰釘後,自然會學精,今次我就公開我個人的心水鮮花店,由太子道西開始,岀發!

第一間必去的,我推介卉豐花業,單看其較時尚的裝潢就知佢唔方平,我愛光顧的原因是,這裏賣的花品種較其他鋪特別,又夠膽入一些較貴的花材,例如鈴蘭、豌豆花,不同品種的蘭花及庭園玫瑰等,花材新鮮兼靚仔,所謂貴少少,其實可能只是相差三五蚊的價錢,品質有保證,我認為值得投資 。

 

 

查詢:卉豐花業

九龍太子道西162-164號13-15號地鋪 2381 5605

 

一路往前行多十間鋪左右,就輪到第二間要介紹的花店了,叫華泰聯,它原址花墟中間的橫街,近月新搬到大街,鋪面更寬敞,呢間感覺上似批發,好多花都束得較大束,以玫瑰為例,有時會兩三打束在一起,想買少量的,店員會說:「不好意思,唔夠人手分拆,沒散賣。」仲有喺度揀花要慢慢揀,因為好多時啲花都會用紙包到實,唔似卉豐咁一目了然,總括來說,這裏的花材都很新鮮,而且價錢亦相對相宜。

 

查詢:華泰聯

九龍太子道西174號地下 2397 1833

今次分享住咁多先,想繼續同我閒遊花墟,精選買靚花,就要留意下星期我的blog了。賣吓關子,我會帶大家去一家隱世咖啡店,置身其中,以為自己去咗外遊。

 

你可能也喜歡