八月的用光光護膚品小評

網誌

因工作關係,我們接觸到的護膚品比一般女生多很多,要用完一件護膚品其實是很難的~偶爾碰上不好用的,的確會用一次就放一邊不管了!
最近有幾款已經用光光的護膚品,就趁扔掉前拍兩張照片,寫一個小小的用後感吧~有推介的~也有不是那麼推介的XD

首先是Estee Lauder 的ANR serum,這支我已經用了五支以上了~是大推品 XD
敏感肌其實好少用上高機能性的護膚品,但這支精華是我用後不會致敏的,而且精華液水水地好保濕,用後修復效果也很好,試過面上有小傷痕時塗上,翌日就復原了,基本上是我每晚都會用上的精華液。

另一個是Kate Somerville,這個牌子之前我都未接觸過的,公關朋友見我有濕疹就特地send了支Eczema Therapy Cream比我試,是全身都可以用的。成分就是膠原燕麥,仲有一d植物成分等等,我一開頭是用作body cream 的,很喜歡幼滑的質感,用完好快吸收,然後皮膚會柔軟d~滋潤得黎又唔會笠,感覺幾好。我而家手都仲係有濕疹的,我呢排用佢而完全冇用藥,皮膚都算穩定 =] 而發現就用完既時候,就試下塗上面了,有時d all in one cream 用係body 同用上面係完全兩回事,咁呢支就唔會既,上面感覺都好幼滑而且好快吸收,的確係用上面都好好 =] 咁佢價錢唔係平既,如果咁大支當face cream 就算好平,但如果當body cream就有點小貴了 XD

第三件是enary 的Treatment Cream,質地是水凝啫喱狀,好保濕易推,因為今個夏天勁生粒粒,所以唔敢用太潤的護膚品,這個Treatment Cream 就岩晒了!而這個牌子專門以甲殼素為成分,也是超岩敏感肌用的 =]

最後一款是MTM的Eye Make-Up Remover,說真的一開始用覺得超唔好用,有少少那眼感覺唔係咁舒服,但用用下又習慣了,而且EYE REMOVER是消耗品,所以還是用光光了。落眼妝幾好的,通常一下已經搞掂,潔淨能力好好,不過價錢就唔係咁大眾化了…成$400 一支remover,個人是未有這個財力的XD

—————————-

Find me at….
Facebook: https://www.facebook.com/Francescanbeauty

Instagram: francesca_ng

你可能也喜歡