貓山王

【開箱文】 網上訂榴槤 樹上熟貓山王實錄

網誌

呢個世界真係有兩種人,一係食 榴槤 ,一係唔食,我係前者。

由於近日 榴槤 當造,我曾經去一田搵但之前又未賣,跟住D 榴槤 又成日喺Facebook出現,見到有個傳媒朋友推介一個賣 榴槤 的朋友,話食過好味,咁我又試下訂啦~(利申: 本來我是完全不認識這個人呀,純粹是榴槤 好味才再去問文中資料的)。

貓山王,1.5kg-2kg一個,HK$380,訂三個以上免運費,否則一個加HK$60運費。

我個 榴槤 今日到,食完覺得好食先決定寫Blog,問問下才問出好多事來。

我是向一位叫Lydia的女生訂 榴槤 的,跟她在What’s app溝通入數,何時有貨的事兒,又在Facebook add咗佢,親眼見到佢在現場為你揀 榴槤 、一個個 榴槤 的包裝。原來泰國的 榴槤 係未熟的時候剧落嚟,而馬來西亞的 榴槤 都是樹上熟,由於是天然熟,所以味道濃D。(怪不知以前做旅遊D 榴槤 團都是去馬來西亞食,無咩去泰國食)之前新聞都有講泰國用薑黃來泡 榴槤 ,等佢哋個樣「熟」D,大概就是因為不是樹上熟,才需要這樣做了。

Next Page> 店主個老爺之前在馬拉有個榴槤山⋯⋯所以攞到好貨!

Lydia的 榴槤,唔係日日有的。我是7月10日第一次同佢聯絡,19日終於收到 榴槤 的。由於佢 啲 榴槤 係樹上熟,自己由樹上掉下來,然後她在現場立即逐個揀,包保靚先入箱。

由於本身只做朋友圈的生意,所以都要好的才賣,因為是樹上熟的關係,要即日挑、入盒、上機,一日內運勻比全香港的Order(只能做30個區域,因為要一日內運晒,以確保D 榴槤 唔會爛)⋯⋯然後你見到呢個女仔個Facebook,除了湊仔的生活照,就係好開心又好落力地收 榴槤 。

我八赴想知點解佢一個人女仔想做 榴槤 生意,(因為我見佢個Facebook 湊仔好忙同埋幾靚女點解做咁辛苦的事),原來老公是馬來西亞人,經營燕窩生意的老爺,在馬來西亞曾經擁有 榴槤 山,在當地有很多相熟的 榴槤 朋友,見新抱有興趣,就介紹佢自己做。

Next Page> 我開廂喇!真係好食到流淚⋯⋯

講返我個 榴槤 開廂,由於唔係人人都喜歡 榴槤 ,又咁大陣味,呢D最好梗係送屋企啦!而他們只會安排在星期日送貨。送貨之前一日,我收到Lydia的What’s app溫提,叫我最好盡快食。

本身有點擔心送貨不知什麼時候到,因為他們一日走三十幾個點,我又住村屋之前的人又可能遲所以怕等到好夜,點知個送貨的人有禮貌又好交帶(D紋身仲好有Style),下午三點幾便收到了。(同Lydia在What’s app訂榴槤,佢都係超好語氣的,所以不介意聽佢D Voice Message XP)

由於我是買三個,所以成個發泡賿盒比我。貓山王當然 由「貓王」小咪來點貨啦。

本來我都對要自己開榴槤有點懷疑,不過網上睇片,原來依住榴槤底的星星 線切開就可以,實情也真的不是太難。

嘩哈哈!等你好耐終於食到!貓山王係比較甜同Creamy品種,呢個個熟度真係剛剛好!甜到不能。由於不是太大(比一個蜜瓜大一點),本以為我和老公兩個人食唔晒,最終8件肉,都在瞬間被我們KO了。

哈哈!粒核係唔係好細?

實情是,D核係有大有細的。

Next Page> 食榴槤要注意!

我本身是個虛人,夏天都飲八珍湯的,所以本身比較燥熱的榴槤 ,我也開懷吃,而在一些東南亞地方,媽咪生完仔坐月子,都會吃 榴槤 補身的。因為佢營養好多,不過都好高卡路里。

從醫學網站得知,榴槤含:

蛋白質2.8%

脂肪3.9%

碳水化合物34.1%

另多種維生素、礦物質。

「100g的 榴槤 果肉含有162大卡的熱量,以及蛋白質2.8g、油脂2g、醣分37.8g、膳食纖維4g、維他命C66毫克、鉀420毫克以及微量的維他命A、維他命B群、菸鹼酸。」

我問Lydia,馬來西亞人是用什麼方法來解榴槤 的熱,答案是: 椰水!現在街上很多都有售一罐罐的,如果買不到新鮮,也可以買一罐罐的。椰水上次我也介紹過,有豐富的電解質,原文按這裡!另外,如果食完榴槤 成手榴槤 味,可以把榴槤 殼泡水用來洗手解味。

最後,雖說榴槤 營養好,不過我問過中醫,說都是比較濕熱,大家一嘗滿足口腹之慾就好了,要適可而止啊!

想食就自己找Lydia喇!BYE~

Lydia 訂貨電話: +60-10-366-0837 (只限What’s app)

Lydia Facebook:https://goo.gl/xOxbNt

 

 

 

 

 

 

你可能也喜歡