搶買Lanvin x H&M

網誌

上星期尾,寬頻公司派專員上來屋企拉線,謂將寬頻upgrade,頭一日真的感受到上網的順暢快感,可是之後的兩天都無法上網,致電客戶服務熱線又無人接聽,所以昨晚無法如期更新網誌,請大家原諒。


萬眾期待的Lanvin x H&M系列將於11月23日(星期二)早上8時開售,選擇於平日發售,可以減少排隊搶貨的人流,話晒都係working day,想要到專登請假去排去搶買嘅人,點都俾星期六開售少吧。更將開售時間提早到8點,而老規矩係每款就算不同碼都只可買一件。照計應該少啲人去搶,不過看過廣告照和一系列的設計,對於我來說真的非常吸引,再看價錢,更有即買的衝動,相信也必定吸引不少OL和時裝迷。

左一:仿皮草外套$1,290, print tee $299, 綴ruffles半截裙 $499; 中:印花ruffles吊帶裙$1,490; 右一:斑馬圖案trench coat $1,490.

今次有售此系列的,只有四間H&M店,包括:中環皇后大道中、尖沙嘴廣東道、九龍圓方站和旺角朗豪坊。港島區唯一有售的中環店,貨最多最齊,但應該最多人,而且多是識貨之人,signature pieces應該冇得剩。尖沙嘴廣東道一向多遊客,不排除早起的遊客,會湊熱鬧加入人龍;旺角朗豪坊交通四通八達,雖然Lanvin未算是普羅大眾都認識,但傳媒大肆的報導,都會吸引不少人流。所以若要排隊搶貨,我一定揀九龍站圓方店,第一交通不算方便,住在樓上的住客都不會對此系列有興趣,她們買的會是Lanvin,但不是H&M x Lanvin! 還有一個優點,就是不用日曬雨淋地排隊,有瓦遮頭的排隊區也很重要喔!


至於必買之選,當然是Lanvin最耍家的Little black dress ,買定一兩條看門口,一定有用到的時候。左一:黑色綴絲帶背心裙$1,290; 中:黑色網紗背心裙 $1,990; 右一:黑色泡泡袖連身裙 $1,490.

好了,排了咁耐入場有幸搶得貨品,建議拿起了便不要放下,擔保你手還未放,已有七隻手插埋嚟搶了。而且H&M沿襲外國的購物模式,一個月內可以退貨,所以買了回去才算,但緊記accessories包括鞋、手袋等等冇得退。
掉轉頭說,即係會有不少人買咗唔啱會退貨,所以第一日搶不到,可以一個月內不時回去巡巡舖,頭一星期翻兜的機會很大,零星幾件散落在架。

那些ruffles的連身裙$1,490,都是Lanvin最signature的設計,而高跟鞋一律$999

說了這麼多,你以為我一定會去排隊搶貨吧?!才不會,先到先得排隊輪候,我樂於接受,但排隊為的只是入場,入場後要手起刀落明爭強搶,才考起我,每次遇到這樣的盛況,就算俾我第一個入場也沒用,我必定不夠勇不夠狠,爭也爭不來,莫說搶了,寧願不買,也不會加入戰團。

除了女裝,crossover系列一樣有男裝,bow-tie $299, 西裝褸 $1,290.

你可能也喜歡

There are 5 comments

Add yours
  1. Pen

    我最怕呢種場面,迫到咩心情都冇晒

    另外,我想問問SKINCARE PRODUCT,我過咗三十,多咗好多細紋,想問吓你覺得 CDP,雪花秀, LA MER 邊個BRAND 好用D,有邊個PRODUCT 特别值得推介?

  2. michellelau

    Pen,
    呢三個品牌, 我個人偏愛CDP同雪花秀, 不論價錢, CDP既la creme真的不錯呀, 而雪花秀既珍雪或人參面霜都不錯的,

  3. Pen

    Thanks Michelle,
    我喺SOGO 買咗 CDP,送咗 LA CREME 的 sample,會認真試下
    另外有朋友會去首爾, 可以買埋雪花秀,到時就知邊隻啱用D


Comments are closed.

Recommended