編輯嚴選2款夏天不可缺少的護膚品！ B3微米級精華噴霧+雪葩空氣霜 零負擔補水

香港嘅夏季天氣特別潮濕悶熱，對於皮脂腺活躍嘅小編，仲發現會比平常排出更多嘅油脂分泌，屬於混合性肌膚係嘅小編原本以為可以唔使用面霜，怕皮膚負荷過重，原來係唔啱架！因為如果無咗面霜嘅鎖水效果，會導致水分不斷流失，毛孔就會擴大，肌膚更顯暗啞粗糙，卡粉情況仲好明顯！

所以夏天護膚就一定要揀質感輕盈透薄，塗上臉後不油不膩嘅面霜，同埋要隨時隨地都幫肌膚飲飽水，咁就保持清爽之餘又可以鎖住肌膚水分啦！ 小編最近每日只做齊2個steps就可以好輕鬆咁幫肌膚補濕！

Step 1：超輕透+雪葩質感空氣霜 為肌膚補濕同時保持清爽

想夏日做到零負擔嘅補水效果，出街前我會用OLAY Air Cream空氣感面霜打底，OLAY運用獨有嘅革新空氣感面霜科技Active Rush Technology，承載住1000倍水分，一觸即融，令皮膚極速吸收，佢嘅清爽空氣感，令肌膚可以好好享受補濕兼控油，仲有啞面效果，毛孔睇落仲細咗，一舉兩得呀！

Step 2：編輯近期最愛━去到邊都用得嘅B3微米級精華噴霧

用完空氣面霜，手袋就要經常帶住呢支全新OLAY微米級精華噴霧，隨時隨地噴一噴B3微米級精華，為肌膚補濕，即時舒緩活膚。

當我出街時覺得個面開始出油或者好乾時，吸完油後即噴一噴，微米級精華嘅份子超細，唔會噴到成面水，除咗有高純度B3保濕外，仲有好好嘅舒緩同鎮靜效果！

除此之外，夏天出街流汗完或者做完運動之後再出入冷氣地方，塊臉一冷一熱好易令肌膚會又乾又痕癢，係呢個時候最適合噴一噴B3微米精華，以高純度即時保濕，仲有舒緩同鎮靜效果！

用咗2個steps之後，即刻用測濕機測試，原本53%即升到81%！好犀利呀！

今個夏天仲唔做足2個steps?