陳伶俐 陳伶俐

陳伶俐富豪級獨立屋曝光！頂級豪宅擁千呎花園 無敵南區有山有水靚景

娛樂資訊
Cyan

陳伶俐在2008年同舊愛林敏驄離婚後，在12年找到第二春，改嫁新加坡富豪劉頌銘。二人婚後迅速生了小朋友，不過陳伶俐也絕對沒有甘於做少奶奶，反而又開畫廊又開餐廳，搞作多多。

原文刊於：東方新地｜圖片來源：東方新地、陳伶俐IG

陳伶俐新加坡餐廳停業重拾清閒少奶奶生活

可惜去年到依家社會氣氛加埋反覆疫情，雙重打擊下，陳伶俐經營兩年嘅新加坡餐廳上個月都正式停止營業。夫家係新加坡富商胡嘉烈後人、家族生意遍布新加坡、香港同內地，雖然要暫時告別飲食生意，不過賺錢買花戴嘅劉太陳伶俐，反而樂於重拾清閒少奶奶生活，得閒湊吓仔約吓朋友，仲得閒捉老公出街拍拖歎越南粉。留家時間多咗，家居風光亦不時曝光，婚後即搬入夫家位於布力徑嘅富豪級獨立屋，室內面積達三千呎、全海景花園又過千呎，市值超過億半，大把空間真係日日居家都唔怕悶啦！

當年選完港姐兩年、年僅21歲已經未婚懷孕嫁畀林敏驄，可惜08年離婚結束10年婚姻，至12年陳伶俐再嫁，並且嫁得更好嫁得更豪。
當年選完港姐兩年、年僅21歲已經未婚懷孕嫁畀林敏驄，可惜08年離婚結束10年婚姻，至12年陳伶俐再嫁，並且嫁得更好嫁得更豪。（圖片來源：陳伶俐IG）
第三個囝囝Marengo在家慶祝六歲生日，親手切巨型訂製坦克蛋糕，留意背後嘅劉家大廳裝潢加埋水晶燈，真正金碧輝煌豪門氣勢。
第三個囝囝Marengo在家慶祝六歲生日，親手切巨型訂製坦克蛋糕，留意背後嘅劉家大廳裝潢加埋水晶燈，真正金碧輝煌豪門氣勢。（圖片來源：陳伶俐IG）
陳伶俐富豪級獨立屋曝光 擁千呎花園無敵南區靚景
（圖片來源：陳伶俐IG）
屋企夠大夠豪工人夠多，梗係成為朋友開P聚會第一選擇，同大班圈中好友為黎芷珊慶祝生日，席間仲有少有露面嘅古天樂舊愛黃𨥈瑩。
屋企夠大夠豪工人夠多，梗係成為朋友開P聚會第一選擇，同大班圈中好友為黎芷珊慶祝生日，席間仲有少有露面嘅古天樂舊愛黃𨥈瑩。（圖片來源：陳伶俐IG）
兩公婆朋友多多，閒時招呼朋友上門打邊爐，不難見到不論飯枱、座椅，還是框住電視機嘅裝飾，都極為講究又貴氣。
兩公婆朋友多多，閒時招呼朋友上門打邊爐，不難見到不論飯枱、座椅，還是框住電視機嘅裝飾，都極為講究又貴氣。（圖片來源：陳伶俐IG）
同前夫林敏驄所生嘅兩個囝囝已經讀緊大學，廿四孝媽媽為咗細仔 Marengo，經常招呼同齡朋友仔上門享受私家花園大草地。
同前夫林敏驄所生嘅兩個囝囝已經讀緊大學，廿四孝媽媽為咗細仔 Marengo，經常招呼同齡朋友仔上門享受私家花園大草地。（圖片來源：陳伶俐IG）
坐擁千呎全海景花園草地，絕對有足夠地方畀囝囝放電。
坐擁千呎全海景花園草地，絕對有足夠地方畀囝囝放電。（圖片來源：陳伶俐IG）
位於港島半山布力徑嘅獨立屋屬於頂級豪宅，最矜貴梗係個有山又有水嘅無敵南區靚景。
位於港島半山布力徑嘅獨立屋屬於頂級豪宅，最矜貴梗係個有山又有水嘅無敵南區靚景。（圖片來源：陳伶俐IG）
陳伶俐富豪級獨立屋曝光 擁千呎花園無敵南區靚景
（圖片來源：陳伶俐IG）
女主人隨意在家中偏廳影張相，可見訂造傢俬加精緻擺設再加埋個雲石地面，統統都係富豪級裝潢。
女主人隨意在家中偏廳影張相，可見訂造傢俬加精緻擺設再加埋個雲石地面，統統都係富豪級裝潢。（圖片來源：陳伶俐IG）
雖然一早已退出娛樂圈，不過外向好客嘅陳伶俐，依然喺圈中有大把朋友，榴槤季節歎好嘢，都叫埋蘇志威同劉小慧伉儷，三五知己喺廚房開餐，都唔覺逼狹。
雖然一早已退出娛樂圈，不過外向好客嘅陳伶俐，依然喺圈中有大把朋友，榴槤季節歎好嘢，都叫埋蘇志威同劉小慧伉儷，三五知己喺廚房開餐，都唔覺逼狹。（圖片來源：陳伶俐IG）

有什麼Netflix、Disney+推薦及必睇劇集？

為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。

有什麼必睇劇集？

不少美劇都被稱為神劇，小編整合了一系列必看美劇推介。當然，不少得韓劇、陸劇、台劇及BL劇推薦。

你可能也喜歡

Recommended