女藝人學生相

15大那些年女藝人學生相 李佳芯有校花格、吳若希經典包包面!

娛樂資訊

不少女星都有在網上Post過少女時期學生相,不過多年後的今日,容貌經過歲月洗禮,到底哪個真正校服look女藝人學生相來得更pure更true呢?一於看看,第一位真是Keep得好好呀!

原文刊於:東方新地 |圖片來源:新傳媒資料庫及藝人IG、Weibo

女藝人學生相15.糖妹招牌大眼同酒窩

入行咁耐都係 keep 住留齊蔭,難得見到糖妹露出額頭嘅,竟然係中學時期張校服相,其實無論齊蔭定露額,招牌大眼同酒窩都仲喺度,一樣咁可愛。

女藝人學生相14.阮小儀歲月不留痕

真正歲月不留痕,keep得非常好嘅仲有阮小儀,三十幾年前中學年代個學生 look,根本同上月剛滿50歲嘅最新造型冇分別!

女藝人學生相13.齊蔭胡杏兒夠可愛

如今係兩子之母嘅杏兒,都po咗自己張小學校服相緬懷過去,齊蔭嘅杏兒非常可愛,樣貌輪廓其實跟現在沒有多大分別,證實佢肯定冇整過容。

女藝人學生相12.黃智雯靚女又有性格

入行13年,愈嚟愈好戲愈睇愈順眼嘅黃智雯,當年紮起孖辮嘅小學生 look 精靈過人,原來細細個已經好靚女又有性格!

女藝人學生相11.江嘉敏高抄selfie

作為電視台後生一輩最多緋聞、公認最強電力嘅小花,江嘉敏學生時代已經參加校花校草選舉、識得高抄selfie突出大眼又顯瘦,細細個已經好進取。

女藝人學生相10.鄧紫棋金魚嘴多年不變

小學拍過教育電視,中學又參加學屆歌唱比賽所向披靡,原則上大家睇住16歲入行嘅G.E.M.大,金魚嘴多年不變。

女藝人學生相9.吳若希愈大愈瘦靚愈

有呢張中學相對比,就見到今時今日已經生咗一仔一女,為人母亦為人妻嘅吳若希,愈大愈靚愈大愈瘦,連曾經嘅個人標誌包包面都唔覺唔覺消失埋!

 

女藝人學生相8.馮盈盈四眼學生妹

敢做敢當又敢言嘅馮盈盈,學生時期已經眼大大面尖尖,不過就被副眼鏡掩蓋咗個靚樣,只係一個普通四眼學生妹。

女藝人學生相7.劉佩玥迷倒唔少男同學

出身於沙田名校浸信會呂明才中學,劉佩玥十年前嘅運動會look最易認就係個招牌笑容,當年應該迷倒唔少男同學。

女藝人學生相6.湯怡黑面學生相

33歲湯怡喺《 反黑路人甲 》同兩年前青春片《 某日某月 》都試過扮學生妹,更被網友盛讚 keep 得好零違和,原來真正學生年代嘅湯怡皮膚黑黑板起面孔,好 cool 啫!

女藝人學生相5.蔣家旻稚嫩少女

眨吓眼「 馬子妮 」蔣家旻都已經三十歲,好似天生麗質少女味仲喺度,其實對比番張真實學生相,就知十幾歲呢啲先至係真正嘅稚嫩少女。

女藝人學生相4.王灝兒有霸氣又有性格

一樣係由細唱歌唱到大,學生年代已經喺歌唱比賽同G.E.M.交過無數次手,見慣大場面嘅JW細細個已經有霸氣又有性格。

女藝人學生相3.黃翠如正經女班長格

學生時代接受過香港電台《鏗鏘集》訪問,所以個真實學生look一早喺網上流傳,翠如BB十幾歲時斯斯文文又一本正經,完全係女班長格!

 

 

女藝人學生相2.李佳芯校花格

雖然喺《 踩過界 》同《 BB 來了 》都為套戲著過校服,不過三十幾歲化行妝,又點夠十幾歲脂粉不施嘅真 ‧ 學生相嚟,一睇就知係校花格!

女藝人學生相1.李若彤純情無邪有仙氣

抗疫期間日日操肌操出腹肌馬甲線,54歲李若彤近日因上內地節目而穿回中學校服look,以證家陣身材仲 fit 過當年,不過論純情無邪有仙氣,當然係呢張泛黃舊相裡面嘅少女姑姑最迷人。

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

Tag
TVB

你可能也喜歡

Recommended