新劇《香港愛情故事》必睇5大賣點！網民讚激貼地華富邨、劏房實景拍攝

Q: 有什麼Netflix、Disney+推薦及必睇劇集？

為大家整理一下截至目前為止小編追過的Netflix影集清單， 必睇Netflix電影或劇集片單 ；Disney+方面，則可以一看 電影片單推介 。

Q: 有什麼必睇劇集？

不少美劇都被稱為神劇，小編整合了一系列必看 美劇推介 。當然，不少得 韓劇 、 陸劇 、 台劇 及 BL劇 推薦。

Dec 10 2020

《香港愛情故事》12月7日起晚上一連兩星期播出，有指無綫為了保住收視、對撼10:30時段的《全民造星3》，破例於10:30綜藝時段改播劇集，抽起原本已經出宣傳的本地旅遊節目《港產旅行團》，這齣原本係2021年重點劇集的《香港愛情故事》提早播放。

原文刊於：東方新地｜圖片來源：TVB、新傳媒資料庫

新劇《香港愛情故事》5大看點

今次已經係無綫2020年第二度臨急變陣（對上一次是9月出晒宣傳後抽起《唐人街》換成《C9特工》），《香港愛情故事》係新晉監製林肯的首作品，他希望透過這套作品，講述香港不同年齡層的愛情故事，從中反映香港人在社會、土地、相處等所遇上的問題。

賣點1：男主角一改再改！羅天宇首次擔正男一

其中一個賣點當然是，男主角由32歲暖男羅天宇擔任。去年底，無綫開愛情小品劇集《香港愛的故事》，最初男主角屬張振朗，而女主角就係龔嘉欣，後來因為張振朗無檔期換上楊明，但最後卻落在羅天宇身上。以往的角色大部分都是做人細佬或學生哥，羅天宇終於在《香港愛情故事》首次擔正做男一。《香港愛的故事》雖然不是重頭劇，但羅天宇都好重視，年初開工時適逢疫情爆發中，台前幕後歷盡艱辛，而羅天宇在拍攝時表現得份外認真，今年32歲先搏命發力都未算遲，最緊要係懂得珍惜機會，不過唔係講緊媾女方面呀！

賣點2：王敏奕有份主演！陣容鼎盛

新劇由羅天宇、龔嘉欣及王敏奕領銜主演，並由龔慈恩、白彪、石修、游嘉欣及謝東閔聯合演出，並由蔣家旻及梁証嘉特別演出。這次是女神王敏奕相隔6年，再度為無綫電視拍攝劇集，絕對要睇啦。

賣點3：大量親熱戲！羅天宇、龔嘉欣連場床戰

龔嘉欣、羅天宇、石修、龔慈恩及王敏奕主演的《香港愛情故事》，全劇只有13集。首次擔正做男一的羅天宇，拍住龔嘉欣演夫妻，二人在劇中有大量親熱戲，羅天宇更透露要除褲露股，角色好有發揮。

賣點4：港人三個戀愛階段！道盡新婚夫婦最大嘅人生難題：買樓

愛情故事本應浪漫，但喺現實中，總會遇上各種不得不面對嘅問題。羅天宇、龔嘉欣，新婚夫婦；王敏奕、謝東閔，熱戀情侶；龔慈恩、白彪，老夫老妻。三對夫妻情侶、三個戀愛階段，譜寫三段《香港愛情故事》。而陳子朗、邱凱琪，新婚燕爾，但兩人好快就將會遇上佢哋一生中最大嘅難題：買樓。大部份人都想上樓，但喺現實只能夠住劏房。一屋難求，兩人要堅持夢想，定係向現實低頭？新劇道盡香港貼地愛情故事。