黃日華 黃日華

黃日華父女互相扶持孖住睇醫生 痛失摯愛曾困廁所唔見人

娛樂資訊

與太太梁潔華相依相愛四十年的黃日華,近日因妻子離世,飽受喪妻打擊肝腸寸斷,整整一星期困在家中廁所不願見人。太太梁潔華今年五月因血癌引發器官衰竭離世,黃日華更一度生無可戀,幸好在最無助時想到自己在太太臨終時,承諾會好好照顧女兒及岳母,猛然醒覺要重新振作。

撰文、圖片:東方新地

黃日華失愛妻生無可戀 曾困廁所唔見人

黃日華對愛妻梁潔華從一而終的黃日華,陪妻抗癌七年衣不解帶照顧周到,可惜今年五月梁潔華因器官衰竭撒手人寰,遺下深愛他的華哥及孝順女黃芷晴。枕邊人突然離去,傷心欲絕的華哥鐵漢亦倒下,傷痛難以釋懷,足足一星期將自己困在家中廁所不願見人,生無可戀似等死,他形容當時的自己沒有了寄託,沒有目標,直至想及對亡妻的承諾,黃日華才猛然醒悟不能再這樣下去!

愛妻號黃日華從一而終,坦誠內心世界只有老婆梁潔華。二人80年因拍《京華春夢》邂逅,88年結婚並在兩年後誕下女兒黃芷晴,可惜卻因梁潔華癌病離世未能同諧白首。
愛妻號黃日華從一而終,坦誠內心世界只有老婆梁潔華。二人80年因拍《京華春夢》邂逅,88年結婚並在兩年後誕下女兒黃芷晴,可惜卻因梁潔華癌病離世未能同諧白首。
自從13年太太梁潔華患上急性骨髓性白血病,黃日華七年來衣不解帶陪愛妻抗癌打仗,曾經一度康復的梁潔華,18年不幸癌病復發,今年五月器官衰竭與世長辭,令華哥父女悲痛不已!
自從13年太太梁潔華患上急性骨髓性白血病,黃日華七年來衣不解帶陪愛妻抗癌打仗,曾經一度康復的梁潔華,18年不幸癌病復發,今年五月器官衰竭與世長辭,令華哥父女悲痛不已!(圖片來源:黃芷晴Facebook)
愛妻情切的黃日華,14年以1,900萬買入大埔聚豪天下獨立屋作為一家人的安樂窩,物業更以梁潔華個人名義持有。
愛妻情切的黃日華,14年以1,900萬買入大埔聚豪天下獨立屋作為一家人的安樂窩,物業更以梁潔華個人名義持有。(圖片來源:東方新地)
今年5月梁潔華不敵癌魔離世,撐著傷痛為妻辦理身後事的華哥,當時已臉容憔悴哭至眼腫,原來他更因失去最愛難以釋懷,有過尋死念頭,幸好及時想到對愛妻的承諾,重新振作好好生活!
今年5月梁潔華不敵癌魔離世,撐著傷痛為妻辦理身後事的華哥,當時已臉容憔悴哭至眼腫,原來他更因失去最愛難以釋懷,有過尋死念頭,幸好及時想到對愛妻的承諾,重新振作好好生活!(圖片來源:東方新地)

為照顧好女兒,黃日華不再困住自己,父女互相扶持走出傷痛。據知情者透露:「華哥好錫華嫂,太太就係佢人生支柱,華嫂患病嗰時,佢推晒所有工作悉心照顧太太,雖然見到華嫂撐得好辛苦會好心痛,但陪伴對佢嚟講已經係一種安慰,到華嫂走咗,失去最愛令華哥冇晒方向,諗到唔開心就忍唔住喊,唔想畀個女見到,就匿埋喺廁所,雖然佢應承過太太要戒煙,但嗰時佢已經傷心到崩潰,只有靠食煙麻醉自己,身邊班朋友都擔心佢會出事,連個女都唔知點安慰佢!好彩後尾佢猛然諗起老婆嘅叮囑,先唔畀自己再沉淪落去,開始將心裡面嘅唔開心,同個女互相傾訴,頭嗰兩個月,兩父女喺屋企經常傾番以前一家人嘅生活點滴,成日都會講到喊,但兩個人一齊面對可以互相安慰,起碼唔會孤伶伶諗埋一邊!」

梁潔華離世接近半年,黃日華父女生活亦重回正軌,不過兩父女對最愛(亡妻及亡母)都萬般不捨,華哥更整理了愛妻生前過萬張照片留念。
梁潔華離世接近半年,黃日華父女生活亦重回正軌,不過兩父女對最愛(亡妻及亡母)都萬般不捨,華哥更整理了愛妻生前過萬張照片留念。(圖片來源:黃芷晴Facebook)
在梁潔華生忌當天,黃芷晴更特地為媽咪送上由她設計的大戲服及鮮花,對媽咪極之懷念。
在梁潔華生忌當天,黃芷晴更特地為媽咪送上由她設計的大戲服及鮮花,對媽咪極之懷念。(圖片來源:黃芷晴Facebook)
父親節當日,黃芷晴在社交網po出爸爸抱實她的BB照片,為首個失去愛妻陪伴度過父親節的爸爸黃日華打氣。
父親節當日,黃芷晴在社交網po出爸爸抱實她的BB照片,為首個失去愛妻陪伴度過父親節的爸爸黃日華打氣。(圖片來源:wongadrian@Instagram)

父女同病相憐孖住睇醫生

為圓太太遺願積極生活的華哥,靠愛女撫平傷痛,更努力戒煙,同女兒黃芷晴互相扶持走出陰霾,早前父女同病相憐,齊齊病倒,當日黃日華駕車接同女兒到何文田醫務所睇醫生,雖然身體不適,不過黃芷晴仍刻意化妝掩飾病容,父女在診所內搵了個近角落的梳化位置坐低,見女兒瞌埋眼養神,華哥亦緊張問愛女身體狀況!父女睇病約四十五分鐘,攞完藥後匆匆趕回大埔寓所休息!

痛失最愛打擊沉痛,黃日華父女連月來就互相倚靠扶持走出陰霾,父女更同病相憐,早前齊齊病倒要睇醫生,黃日華駕車接載愛女一同到位於何文田的診所看病。
痛失最愛打擊沉痛,黃日華父女連月來就互相倚靠扶持走出陰霾,父女更同病相憐,早前齊齊病倒要睇醫生,黃日華駕車接載愛女一同到位於何文田的診所看病。(圖片來源:東方新地)
入到診所,黃日華先去登記,之後父女在角落位置的梳化坐低等候,雖然刻意化妝掩飾病容,不過黃芷晴依然疲態盡露,甫坐低已經要閉目養神,身旁的華哥亦見憔悴!
入到診所,黃日華先去登記,之後父女在角落位置的梳化坐低等候,雖然刻意化妝掩飾病容,不過黃芷晴依然疲態盡露,甫坐低已經要閉目養神,身旁的華哥亦見憔悴!(圖片來源:東方新地)
當日診所病人不算多,父女在診所逗留了大約四十五分鐘,睇完醫生各自拎住一包藥離開診所。
當日診所病人不算多,父女在診所逗留了大約四十五分鐘,睇完醫生各自拎住一包藥離開診所。(圖片來源:東方新地)
父女到何文田睇醫生前,黃日華先駕車到九龍城辦理私務。女兒黃芷晴到九龍城廣場買嘢,黃日華則企在車旁等女兒。
父女到何文田睇醫生前,黃日華先駕車到九龍城辦理私務。女兒黃芷晴到九龍城廣場買嘢,黃日華則企在車旁等女兒。(圖片來源:東方新地)
華哥極速落車入超市掃了多盒奶茶然後畀錢離開。
華哥極速落車入超市掃了多盒奶茶然後畀錢離開。(圖片來源:東方新地)
之後黃日華匆匆駕車去隔兩條街的小型超市買嘢,落車時遇上有司機想泊位,華哥有禮貌向對方示意自己未駕車離開,好好先生相當有品。
之後黃日華匆匆駕車去隔兩條街的小型超市買嘢,落車時遇上有司機想泊位,華哥有禮貌向對方示意自己未駕車離開,好好先生相當有品。(圖片來源:東方新地)

幸得三哥扶持開解

在太太離世接近半年,黃日華逐步走出傷痛,早前應好兄弟苗僑偉邀請,一齊上崔健邦、張秀文主持的清談節目《諸朋好友》受訪,提起愛妻掩不住傷心難過,更表示睇住愛妻離去一刻是他人生最最最難受!一度講到哽咽熱淚盈眶。經歷喪妻之痛,華哥更感謝好兄弟苗僑偉在他最難捱的日子相伴開解,他說:「三哥收到消息,第一時間打電話問候我,接下來嗰個幾月,他朝早就打畀我,問我起身未呀去食早餐,又或者起身未呀一齊去飲茶,喺嗰段時間陪住我同開解我,喺我太太設靈、出殯嗰兩日,又一早到場幫手,義無反顧幫我太太搵靈位,呢啲係任何金錢都買唔到!」同是五虎出身的黃日華與苗僑偉早已私交甚篤,三哥三嫂在華哥失去最愛的日子就如同他的心靈雞湯。好友透露:「三哥三嫂同華哥華嫂係深交,大家可以話睇住對方拍拖、結婚生兒育女,三哥最清楚華哥脾性,知佢最愛就係老婆,喪妻對華哥打擊好大,三哥怕老友諗埋一邊,就日日搵住華哥,除咗安慰華哥之外,亦同華哥傾番好多以前大家嘅經歷,等華哥可以分散啲唔開心嘅情緒,三嫂又作為長輩去鼓勵芷晴,嗰段過渡期,三哥日日嗌華哥父女去佢屋企食飯,就係唔想佢兩父女困埋亂諗嘢!」

五虎之一的黃日華、苗僑偉感情深厚,83年二人合作《射雕英雄傳》分別演郭靖、楊康雙雙走紅,好兄弟睇住大家成家生兒育女,在黃日華痛失愛妻梁潔華的日子,三哥就經常陪伴開解好友,令黃日華在最痛時有所倚靠。
五虎之一的黃日華、苗僑偉感情深厚,83年二人合作《射雕英雄傳》分別演郭靖、楊康雙雙走紅,好兄弟睇住大家成家生兒育女,在黃日華痛失愛妻梁潔華的日子,三哥就經常陪伴開解好友,令黃日華在最痛時有所倚靠。(圖片來源:劇照)
近年絕跡熒幕的黃日華,日前更為三哥出關,一同上由崔健邦及張秀文主持的《諸朋好友》節目大談二人昔日往事,當黃日華提起愛妻,已忍唔住傷痛哽咽眼泛淚光!
近年絕跡熒幕的黃日華,日前更為三哥出關,一同上由崔健邦及張秀文主持的《諸朋好友》節目大談二人昔日往事,當黃日華提起愛妻,已忍唔住傷痛哽咽眼泛淚光!(圖片來源:劇照)
15年梁潔華病情一度好轉,她與老公黃日華及三哥三嫂、劉德華、張兆輝等難得聚首。
15年梁潔華病情一度好轉,她與老公黃日華及三哥三嫂、劉德華、張兆輝等難得聚首。

整理過萬張亡妻照片修讀香薰蠟燭導師課程

雖然同愛妻天人永隔,不過華哥對太太的思念仍然生生不息,連月來他細心整理愛妻遺物,更將自己和太太的手機內相片全部列印出來,將過萬張相片全部逐一剪裁好過膠收藏,那份對妻子至死不渝的愛令人動容,就連女兒芷晴看在眼裡,亦替天上的媽媽感動。父女生活逐漸回歸正軌,開始回復工作的芷晴,亦擔心爸爸一個人會胡思亂想,經常鼓勵爸爸搵節目,不過因愛妻離去要重整心情,華哥暫時未有復出拍劇計劃,反而在愛女感染下,父女會一起上堂學造香薰蠟燭,以手作治療減輕心靈痛楚。據知情者透露:「芷晴係讀設計,本身就好鍾意做手藝,華哥見個女整香薰蠟燭好得意,芷晴就乘機拉埋爸爸一齊去學,等爸爸可以有精神寄託,佢哋讀嘅係香薰蠟燭導師課程,讀完可以開班授徒,三哥同張兆輝都好鼓勵華哥發掘多啲興趣,華哥愈整愈有興趣,仲整咗好多香薰蠟燭放去靈位送畀華嫂,依家華哥好積極生活,因為佢應承過老婆,要好好照顧個女同岳母,為咗圓太太遺願,佢仲好努力戒煙,等身體更健康!」有女兒在身邊,應該就是華哥的最佳良藥,再傷痛也要圓太太心願,堅強好好生活!

愛妻離世令華哥肝腸寸斷,一度失去人生方向,近日華哥在女兒鼓勵下,陪同愛女學整香薰蠟燭,靠手作治療減痛的華哥,難得現出燦爛笑容。
愛妻離世令華哥肝腸寸斷,一度失去人生方向,近日華哥在女兒鼓勵下,陪同愛女學整香薰蠟燭,靠手作治療減痛的華哥,難得現出燦爛笑容。
9月生日的黃日華,攞住愛女為他精心設計的足球造型蛋糕,身後背景更是多張他和太太梁潔華的合照,華哥更花心思特別做了兩張同太太的馬賽克合照。
9月生日的黃日華,攞住愛女為他精心設計的足球造型蛋糕,身後背景更是多張他和太太梁潔華的合照,華哥更花心思特別做了兩張同太太的馬賽克合照。(圖片來源:wongadrian)
對太太的愛至死不渝的黃日華,現時每天早晚會為亡妻唸經!
對太太的愛至死不渝的黃日華,現時每天早晚會為亡妻唸經!(圖片來源:東方新地)

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended