鄭中基曾被FBI拘捕、李璨琛曾醉駕  圈中11位叛逆過的明星暖男爸爸

鄭中基曾被FBI拘捕、李璨琛曾醉駕 圈中11位叛逆過的明星暖男爸爸

相隔18年後,鄭中基再次出演電視劇,新作《暖男爸爸》一出更即成全城熱話。有別於在過往電影中的搞笑形象,《暖男爸爸》劇情走溫情路線,而鄭中基就在劇中飾演一個充滿故事同歷練嘅單親爸爸。在現實生活中,鄭中基同樣愛家,但原來他曾經都年少輕狂過,經歷不少高低才洗心革面,成為真正的暖男爸爸。不少人都說男人會因一個家而改變,立刻看看以下圈中有那些曾叛逆過的暖男爸爸吧!

原文刊登於:東方新地|圖片來源:東方新地、各藝人IG

圈中11位叛逆過的明星暖男爸爸盤點

鄭中基曾被FBI拘捕

96年出道時,鄭中基因為有個唱片公司高層爸爸照住,一出道就有得同歌神張學友合唱一炮而紅。不過二千年因在飛機醉酒鬧事搞到被逼降美國再被FBI拘捕,事業即時走下坡。其後鄭中基重新振作演喜劇拍電影,至11年結婚生女後更修心養性,現在眼中只有家庭和一對兒女,現實中做好暖男爸爸。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:Instagram @sammieyucm
圖片來源:Instagram @sammieyucm
圖片來源:Instagram @sammieyucm

 

陳山聰搭上賭王千金荒廢事業

11年搭上賭王千金何超雲後就放下工作、背棄朋友、全副心機陪千金遊山玩水,曾幾何時陳山聰都試過荒廢事業仲搞到冇晒朋友。經歷過人生與事業低潮嘅陳山聰,如今已變成一個晒仔成狂嘅暖男爸爸。上月尾抱著四個月大囝囝Jaco慶祝囝囝第一個萬聖節,兼且亦係自己第一個結婚紀念日。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源: Instagram @joelshanchung

陳浩民太太臨盆之際 借醉鹹豬嘴後輩

太太蔣麗莎五年抱四固然了不起,陳浩民一個養起一家六口四個仔女,何嘗又唔係責任重大勇氣可嘉!其實就喺太太懷胎八個月臨盆之際,陳浩民因被拍到喺內地聯同另一人夫馬德鐘,借醉鹹豬嘴後輩陳嘉桓後,形象幾乎一鋪清袋,最後幸得太太原諒,畀機會佢做番個好暖男爸爸。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:陳浩民微博
鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:陳浩民微博

蘇永康於台北被扣查判入看守所勒戒

50歲時老來得子,蘇永康嘅一切生活即時以仔為先,去到邊都一家三口齊齊整整。其實蘇康後生時都蒲過玩過,02更於台北因服食及藏有搖頭丸被扣查,最後被判入看守所勒戒。

圖片來源:Instagram @william_gung
圖片來源:Instagram @william_gung

 

陳豪一星期蒲足五晚

當年係電視城絕頂筍盤,家陣係育有兩子一女顧家錫老婆嘅超級暖男爸爸,唔係陳豪自爆都冇人知,原來初入行做model拍《晚九朝五》嘅年代,一個星期蒲足五晚,不過唔蒲過就唔會知自己其實唔鍾意呢種生活。

圖片來源: Instagram @aimeechan_offical
圖片來源: Instagram @aimeechan_offical

 

杜德偉跑馬地夜店內被搜出持有大麻

那些年的杜德偉曾紅透中港台,又有個名模女友周汶錡,生活多姿多彩又愛玩。03年喺跑馬地夜店內被搜出持有大麻,最後被裁定藏毒罪名成立,罰款四千兼留案底。如今杜爸爸有個嫩妻又有個寶貝仔AJ,已經變成一個住家男。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:Instagram @alexto_dudewei
鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:Instagram @alexto_dudewei

陳小春非禮未成年少女

67年喺內地惠州出生、12歲移居香港,陳小春14歲時因為非禮未成年少女被判罪名成立,其後入行從舞蹈員到歌手到演員,一樣愛蒲爛玩性格火爆。直至遇上應采兒,才修心養性甘被馴服,2017年帶埋囝囝 Jasper 參與內地親子節目演出,暖男爸爸爸爸形象深入民心。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:Instagram @yingcaier

郭政鴻一腳踏兩船渣男代表

結束完一段三年婚姻,郭政鴻便一直與滕麗名鬧緋聞,10年二人幾乎被認定為公開一對時,男方突然被爆有個同居女友,當時女兒都已經九個月大。一度淪為一腳踏兩船渣男代表,郭政鴻近年有女萬事足,接送返學、買餸煮飯、陪玩樣樣做齊。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:東方新地

李璨琛因醉駕被捕

中二輟學、做過果欄同電工,性格反叛嘅李璨琛外形草根,所以被導演陳果發掘主演《 香港製造 》。當年滿身紋身嘅不羈浪子,喺老婆生產前一個月因為醉駕被捕,不過女兒出世後即360度大轉變,成為女兒奴日日攬住囡囡李元元就心滿意足。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:Instagram @lucy.is.good
鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:Instagram @lucy.is.good

魏駿傑搭上重慶大學生

當年同滕麗名相戀九年突然分手,翌年就同20歲重慶大學生張利華結婚,魏駿傑曾經都係公認渣男。不過女兒Jessica出世後就全副心機放晒喺頭家同女兒身上,老婆被指整容面目全非又結交老外男友,最終離婚收場,好彩Jessica仲有爸爸不離不棄。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:東方新地

張致恒一腳踏幾船

先生仔再結婚、擺完百日宴至對外公布婚訊及已為人父,你以為張致恒(Steven) 搞錯次序?原來正印女友都係嗰刻至知被分手才真正眼火爆!雖然緋聞多多、形象負面更被舊公司解約,不過老婆雯雯再生多個又出po力撐Steven,讚佢顧家勤力係個好爸爸。

鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:Instagram @stevencheung
鄭中基曾被FBI拘捕、陳豪一星期蒲足五晚 細數一班曾叛逆過的暖男爸爸
圖片來源:Instagram @stevencheung

你可能也喜歡