直擊江嘉敏開工擺阿姐款 被指態度差、黑口黑面 人前人後兩個樣！
是非新聞不斷的江嘉敏（Kaman），近日又有新搞作！日前因船P事件同馮盈盈各執一詞變羅生門，姊妹情從此反目，但未見江嘉敏就此算數，依然咬著馮盈盈不放，不停挑釁對方。早前馮盈盈前度醫生男友Martin在社交網發佈照片留言，江嘉敏更極速搭訕，主動出擊撩死敵舊愛，連前度都不放過！江嘉敏醜行愈揭愈多，還有人夠膽埋身嗎？
原文刊登於：東方新地 ｜圖片來源：東方新地、Instagram @kaman_kong
姣精江嘉敏與FYY姊妹情不再黐林凱恩玩
對住男人幾姣都有貨，不過江嘉敏對女助手就兩副面孔，日前同女助手出外工作，就頻擺阿姐款，黑口黑面向助手訓示，當正助手係阿四，相當難服侍！現年25歲的江嘉敏，出道經常扮玉女，不過玉女假象背後卻姣出汁，除了拍劇愛姣對手，又被爆愛黐富二代，兩年前撻著電競公司高層Anthony火速同居，冧到仔依然未收手，早前被爆同馮盈盈一齊去船P，卻因事件被撞破各執一詞變羅生門，姊妹從此反目，江嘉敏亦極速埋新姊妹堆，黐林凱恩同小小超女友郭嘉文玩埋，生活繼續多姿多采。
對人態度兩副面孔開工擺阿姐款
是非多多的江嘉敏，近日又有新搞作，日前Fyy醫生前度Martin在社交網Po出一張他將跑車座駕泊在電視城的相片，並留言寫道：「一人遊舊地」，江嘉敏急 不 及 待 極 速 搭 訕：「你 人 生 冇 野（嘢）做 喇！」又 話「你 又 唔 係 嚟 搵 我⋯⋯」，主動出擊撩Fyy舊愛，居心叵測！冧仔無寶不落，對人態度亦兩副面孔，熒幕前經常笑容滿面、天真可愛的她，對住助手原來另一個樣，更加男女有別。據知情者透露：「咪睇Kaman 外表好似乖乖女咁，真係畀佢食咗你都未知，佢份人好有心計，鍾意黐埋班有錢仔度，啲富二代鍾意識女明星，佢就成日拉埋啲姊妹一齊去玩，有殺錯冇放過！不過，佢對男仔就嬌滴滴，對啲男工作人員會放晒電，但對女助手就會擺阿姐款呼呼喝喝，有乜安排唔周到就發脾氣，真係唔易服侍㗎 ！」
日前，她由寓所出發開工，等車期間已經皺晒眉頭相當不耐煩，去到會合助手更加玄壇面口，完成上半場工作，同助手一齊等的士，等了幾分鐘未有車，更黑口黑面向助手發火，之後坐的士去到目的地，見助手拖住個篋還孭住大袋嘢，依然要對方幫她攞手袋，工作完畢準備歸家才自己拿回手袋，麻煩態度現晒形！撕開玉女假面具，江嘉敏醜行愈揭愈多，仲有冇人敢埋身？
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
