「譚道德」陳榮峻曾任龍虎武師、高ling替身何佩珉!盤點14個武打出身藝人

「譚道德」陳榮峻曾任龍虎武師、高ling替身何佩珉!盤點14個武打出身藝人

連睇四個月高海寧,唔少網民都大嗌救命。好彩剛播畢的無綫劇集《C9特工》 有啲新意,飛簷走壁又陀槍又打得,雖然收視一般但話題多多,幕後功臣不能不提包辦所有動作場面同危險場口嘅替身演員29歲何佩珉,11年參加無綫比賽《功夫新星》獲得冠軍!(同年參賽者有在《愛回家之開心速遞》飾演池子孝的阮政峰)。何佩珉唔止外形睇得,仲要堅係有武術底子,其實香港地大把武師前輩都好似佢咁而走到幕前!

原文刊於:東方新地|圖片:Instagram、微博、東方新地

盤點14個武打出身藝人

何佩珉:5歲習武想做惠英紅接班人

現年29歲、曾經參與過《鐵探》、《城寨英雄》、《使徒行者2》等等三十多套劇集演出,更兼任埋新劇《唐人街》副武術指導,其實何佩珉5歲開始習武,亦係楊盼盼入門弟子,話到明想做惠英紅接班人。

武術
圖片來源:[email protected]
武術
圖片來源:[email protected]

陳山聰:3歲已經學習舞獅

陳山聰點止何家千金舊愛、「潮山聰」 咁簡單?其實花邊新聞高山低谷背後,陳山聰平日喜愛跑步,自小已熱愛運動,3歲人仔已經學習舞獅,至今仍然非常熱衷,逢年過節都會參與賀歲觀音誕舞龍等等大場面。

圖片來源:IG@joelshanchung
圖片來源:[email protected]

伍允龍:葉問嫡傳徒孫

香港出世、美國長大,伍允龍自細熱愛中國武術,7歲拜師學藝係蔡李佛拳第六代弟子,13歲學詠春、16歲在舅父推介下拜黃淳樑為師成為葉問嫡傳徒孫。02年回港發展後,更教過謝霆鋒功夫,亦順理成章做埋武術指導。

圖片來源:IG@straightblast5
圖片來源:[email protected]

羅浩銘:《功夫新星》出道

同何佩珉一樣因為無綫電視節目《功夫新星》出道,加拿大長大嘅羅浩銘同樣醉心武術,15歲開始拳擊、跆拳道、泰拳、詠春、京翻、巴西柔術等等樣樣學齊,睇得又打得,於是被古天樂睇中簽埋做天下一旗下藝人。

圖片來源:IG@superken_official
圖片來源:[email protected]_official

李嘉:創立武館傳授東方養生同格鬥技巧

除咗係演員、武指,李嘉近年再撈多瓣藝人保鑣,皆因高大得嚟的確打得。六歲開始習武,李嘉十歲已經做過武術界代表歡迎時任港督彭定康上任,99年入行擔任龍虎武師,近年更創立武館,傳授東方養生同格鬥技巧。

高ling替身何佩珉、陳山聰熱衷舞獅!盤點14個圈中武打出身藝人
圖片來源:李嘉微博

陳榮峻:曾任職佳藝電視龍虎武師

綠葉王陳榮峻外形斯文,做太監角色同奸角最係深入民心,其實77年曾任職佳藝電視龍虎武師,之後做過冷氣技工、揸過的士。至84年加入第一期無綫藝員訓練班藝員進修演戲,後來才全職當演員。

圖片來源:IG@chanwingchun0822
圖片來源:[email protected]

張晉:國家精英級運動員

張晉於重慶出世,9歲習武,11歲加入四川省武術隊,曾經係國家精英級運動員,亦都喺全運會上攞獎無數。98年退役後加入袁和平旗下袁家班做替身及武指,2000年走向幕前已經獨當一面係動作明星。

圖片來源:IG@maxjinzhang
圖片來源:[email protected]

錢小豪、錢嘉樂 :近水樓台學拳習武

錢小豪、錢嘉樂兩兄弟從小因為近水樓台,跟樓下鄰居大聖劈掛冼林旭師傅學拳習武。錢小豪因為在功夫擂台比賽中獲得自由搏擊銅牌,而被電影公司睇中邀請加入邵氏訓練班。而弟弟錢嘉樂被哥哥引薦加入邵氏武術訓練班,做過洪家班、做過劉德華替身,如今早擁有自己武師班底,係近年港產大片指定武術指導。

高ling替身何佩珉、陳山聰熱衷舞獅!盤點14個圈中武打出身藝人

圖片來源:IG@tong_ying_ying
圖片來源:[email protected]_ying_ying

李家鼎:20歲入行擔任龍虎武師

近年因為煮得一手好菜,鼎爺再次活躍幕前。實情鼎爺百足咁多爪又點止識煮咁簡單!小時候因家道中落,小學時期已經開始打工生涯,鼎爺十五歲打工時認識關正良教頭開始習武,1965年二十歲已入行擔任龍虎武師,之後輾轉走到幕前做埋演員。

高ling替身何佩珉、陳山聰熱衷舞獅!盤點14個圈中武打出身藝人

冼灝英:大聖劈掛門高手冼林煜堂弟

人稱冼師傅嘅冼灝英自小學習大聖劈掛,為大聖劈掛門高手冼林煜堂弟。83年加入邵氏第六期武訓班,自此成為龍虎武師。之後逐漸轉向幕前發展,拍過超過百部電視劇如《火舞黃沙》、《學警狙擊》、《公公出宮》、《機場特警》等等。

高ling替身何佩珉、陳山聰熱衷舞獅!盤點14個圈中武打出身藝人

元華:李小龍翻觔斗指定替身

跟住京劇武生于占元學習功夫、在華人世界響噹噹嘅「七小福」除咗成龍、洪金寶,仲有包租婆元秋同包租公元華。元華入行後第一部參與嘅電影係1972年上畫的《精武門》,在戲中更是李小龍翻觔斗的指定替身。

圖片來源:元華微博
圖片來源:元華微博

姜大衛:主力演大俠角色

「再鋒利嘅刀,都有生銹嘅一日」,而事實上,姜大衛呢把刀曾經確係好鋒利!出身於演藝世家,姜大衛四歲開始做童星,六十年代經兄長秦沛推薦開始做龍虎武師,亦因此得到大導演張徹欣賞,點名做男主角,自此就轉做幕前演出,主力演大俠角色。

圖片來源:黃宗澤微博
圖片來源:黃宗澤微博

太保:全港三座影帝殊榮

因為《叔・叔》一戲橫掃今年全港三座影帝殊榮,其實原名張嘉年嘅太保都係動作演員出身,中學畢業後報考邵氏兄弟訓練班,由於外貌唔標青被安排到幕後發展,曾經係洪家班及成家班成員。

圖片來源:IG@taibocheung
圖片來源:[email protected]
Tag
TVB

你可能也喜歡