亞洲小姐2020真空著西裝造型照 網民:「勁似夜總會宣傳相!」
亞洲小姐2020競選香港區決賽本來於10月10日在港舉行,不過早前曾傳出因為亞視財困,導致比賽日子要改期。本來有21位佳麗入圍,惟恐說好的入圍獎金一萬元隨時落空,所以有7位候選人先後退選,只剩下14位留低,波折重重下定於11月1日舉行決賽。日前亞視安排佳麗以西裝造型拍攝台上造型照並要求真空上陣,冇得戴bra情況之下,結果全部都冇睇頭,令網民大叫失望。
原文刊於:東方新地 |圖片:亞洲電視發相
亞洲小姐2020 佳麗恐獎金凍過水
香港小姐2020速戰速決好快就出爐,差不多時間進行招募的 亞洲小姐2020 就搞足幾個月都未選到,當日大會宣佈成功入圍決賽的15位佳麗可穩袋1萬元獎金,成為亞姐大中華冠軍更可獲得100萬獎金,對比無綫以「疫巿筍工」作招徠的5,000元底薪更吸引,不過有傳亞視因財困,令競選流程一拖再拖,其中7位佳麗恐怕獎金凍過水,更自動舉白旗退選唔玩,亞視慳水慳力唔使淘汰就有14位佳麗直入決賽。
黑色西裝內全真空
14位佳麗留低繼續鬥,亞視宣佈「2020 亞洲小姐香港區決賽」將於11月1日舉行,日前安排眾佳麗拍攝台上造型照 ,分別有西裝造型和星空 Cyber 感的旗袍造型。當中西裝造型率先曝光,穿上黑色西裝褸加西裝短褲的14位佳麗,竟然要真空上陣 ,連 Nu Bra 都冇得戴,難得班女仔大部分都自我感覺良好。3號周倩誼表示覺得自己好型,能顯出自我的感覺,8號高文君是第一次這樣穿著西裝,裡面沒有穿恤衫顯得特別 Deep V,她覺得真的有點性感。
亞洲小姐身材有落差
11號陳美濤覺得因為不能帶 Bra不會特別擠出波濤洶湧 ,她也不是走這路線,有點不自然。14號張凱琳接受能力頗高,她認為造型構思很有獨立、自主、新潮前衛的感覺,真空坦蕩蕩都是第一次,是個不錯的嘗試。佳麗們冇得揀,感覺如何都要照著,結果飛bra欠缺承托力,谷都冇得谷,影出來的造型照罅都冇一條,似乎身材有啲落差,而網民的評價都好一致,網民都認為這個造型完全沒有睇頭,既不性感亦冇美感,似足夜場宣傳照,總之就劣評如潮。選美都係想鬥樣鬥身材,著中空西裝又唔畀谷胸,絕對是嘥料!
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。