原文刊登於：東方新地| 圖片來源：東方新地、各藝人Instagram

13位貼身白tee女星騷身材

沈殷怡

沈殷怡最近被爆真面目舊相，疑似上圍五官都經過改造，當事人回應都係例牌「 清者自清 」，並繼續自信爆棚展示好身材。

阮兒

同衛志豪拍拖三年最近又傳睇樓同居好事近，其實唔使一紙婚書，呢張男友視角緊緻白 Tee 相，已經證明阮兒同男友打風都打唔甩去到邊都一齊。

莊韻澄

E 神莊韻澄（前名莊端兒）坐足幾個鐘幫髮型轉新 look，不過紫色長髮再出色，都被佢嘅32E 上圍搶晒焦點。

林芊妤

日日開 po 示範瑜伽見慣 Coffee林芊妤個專業教練姿態，難得著番件碎花緊身 tee 放鬆吓，美少婦感覺出晒嚟。

陳楨怡

剛剛出爐嘅港姐亞軍陳楨怡係近年少見高質氣質型港姐，呢個運動look看似隨意，絕對唔係個個carry到。

王卓淇

家境富裕周身名牌，仲有鋪改圖癮，其實29歲嘅王卓淇五官精緻身材均勻，簡簡單單一件tight tee已經好搶鏡。

樂宜

一年四季都貫徹始終晒好身材，樂宜呢個最新龍珠look被網友讚爆，仲話「龜仙人一定會好鍾意」！

陳芷尤

緊身Tee都唔係只得白色咁單調，陳芷尤呢襲黃色上衣再加上金色民族頸飾，有意無意又令34C 上圍鋒芒畢露。

劉溫馨

表演系本科畢業嘅劉溫馨有嘅除咗係實力，仲有甜美外形同均勻身段，放假曬日光趁機露吓臂又露吓腰。

陳欣妍

孖住男友沈震軒日操夜操勤做gym，簡單一件緊身上衣已經能夠盡顯陳欣妍一副完美身段。

孫慧雪

38歲有個三歲囝囝，想突出雪雪身材冇走樣、童顏仲喺度嘅羨煞旁人先天優勢，有咩好得過一件可愛緊身露腰 Tee 呢！

利穎怡

憑著突出上圍喺《 東張西望 》一眾女主持當中成功跑出，成名後嘅利穎怡都不忘耍耍小心機，繼續派福利騷本錢。

張秀文

疫情下收入雖然減少，不過一向係慳妹嘅張秀文都話儲夠首期有意買細價樓投資收租，其實有樣有身材，簡單一件白 Tee 已大騷quali 展現優勢，證明有吸金能力。