王浩信拒提攜細佬王瑋彤 靠自己轉戰ViuTV做大茄
王浩信於17年憑《踩過界》坐上視帝之位，演技獲認同，劇集接不斷，但屢傳與陳自瑤婚姻亮紅燈後，此後王浩人前信鮮有提及妻女，就連恨入行的新生細佬王瑋彤亦甚少提及。被視帝阿哥拒提攜，王瑋彤近年全靠自己爭取機會，由無綫轉投ViuTV，在新劇《熟女強人》中做大茄由低做起，又不時上載唱歌視頻上社交網站，為自己的演藝夢覓新路。
原文刊登於：東方新地 | 圖片來源：東方新地
王浩信細佬王瑋彤頻頻搵機會入行
王浩信有個細七年、30歲的胞弟王瑋彤，15年王瑋彤參加藝員訓練班，可惜未能成功入圍，到16年再參加香港先生，入圍後卻因為健康問題退選，不過王瑋彤未有放棄明星夢，繼續爭取演出機會不斷去 casting，翌年在無綫多套劇中做大配角，總算半隻腳踩入行。
王瑋彤拍劇唱歌雙線發展
王瑋彤起步之時，王浩信登上視帝事業一帆風順，個個都以為有視帝阿哥照住無往而不利，事實王浩信一直冷眼旁觀，據知情者透露：「 Tony(王瑋彤 )知道王浩信想佢自力更生，所以佢亦好有骨氣唔想靠關係，不過估唔到王浩信真係少少都冇幫過手，樂易玲咁錫佢，只要佢肯美言幾句，Tony條路肯定好行好多。拍過幾套劇都係做二打六，後來連冇對白角色都冇得做，Tony咪四出搵機會囉，佢連內地真人騷都參加，總之有出鏡機會都去試，去年佢開始拍吓 ViuTV啲節目，又拍唱歌片放上網，真係好積極。」據知王浩信有感自己捱足多年才出頭，所以想細佬王瑋彤亦磨練一下，同時他亦覺得演藝事業未必適合王瑋彤，表面上王浩信唔出手提攜有理，不過30歲的王瑋彤與王浩信如餅印，同樣高大威猛陽光十足，阿哥唔肯出手難免會被指有私心。
王浩信扶搖直上
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
