陳柏宇

陳柏宇一家三口拒買樓 租大屋享家庭樂嘆世界 內籠曝光!

娛樂資訊

香港地少人多、樓價又高,若果想有個屬於自己的地方,又想住得舒服,欠缺豐厚的身家都可謂妄想。即使知名度較高又有搵錢能力的藝人明星,有些都情願只租不買樓。雖然租樓不算是自己地方,但都可以住得有品味!陳柏宇和老婆符曉薇年頭細屋搬大屋,選擇在港租樓暫住,並計劃將來在加拿大置業,但對於租樓絕不馬虎,十分講究細節,會全新訂造大部分傢俬、又會網上訂購各類精緻小玩意和擺設,誓要為自己度身訂造個溫馨的家!

原文刊登於:東方新地|圖片來源:東方新地、符曉薇YouTube Channel截圖、陳柏宇&符曉薇IG

陳柏宇被老婆爆怪癖

早前陳太符曉薇就拍片介紹新租住嘅九龍區豪宅,長達廿幾分鐘每間房每個角落每件傢俬陳設都詳細介紹原因來歷,house tour期間仲有兩歲囡囡 Abi 全程搞搞震,吵吵鬧鬧之間都爆咗好多男主人獨一無二嘅怪癖!

話說陳家有四房二廳三個廁所,兩個套房前後四個露台,陳生有主人房唔住,揀咗間仲細過工人房淨係擺得落雙人床嘅細房嚟瞓,原因係「 有套廁影響睡眠質素 」,同埋「 入房只可以瞓覺,唔想一個瞓緊覺、一個就起身整嘢嘈到另一半 」喎!窩心又有諗頭,最緊要出大份錢嘅陳柏宇原來仲有啲設計天份,老婆梳妝枱、工人高架床仲有門口雜物櫃,都係陳生親自畫圖特別訂造,而每間房都有主題顏色,連工人房都髹咗姐姐最鍾意嘅粉紅色,呢啲咁好嘅僱主去邊度搵?仲有呀,雖然老公搵到錢,但老婆符曉薇都精打細算識慳錢,大方向大傢俬陳柏宇話事,小飾物櫃、囡囡房護墊就係陳太淘寶番嚟,呢啲咪配合得天衣無縫囉!

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended