馬德鐘兒子馬在驤處男拍劇演爸爸年輕版！網民笑形神俱似日本著名性博士

原文刊於：東方新地｜圖片來源：東方新地、無綫《東張西望》截圖、Facebook截圖

馬在驤為客串去學電單車

22歲的馬在驤身高1.9、似足老竇馬德鐘高大有型，作為耀眼的星二代，早被不少娛樂公司𥄫中，不過去年孖住老竇齊齊簽約邵氏，繼早前父子檔拍廣告之外，本來要返澳洲繼續升讀大學，卻因疫情關係留在香港，近日被安排在馬德鐘擔演的新劇《我家無難事》中客串一角，飾演馬德鐘的年輕版。日前馬在驤拍住簡淑兒開工，拍攝一場騎電單車而發生交通意外的場面，為了呢一幕，馬在驤接受無綫娛樂主播訪問時透露：「我上星期去咗學電單車﹗」相當專業、認真﹗

馬在驤對住簡淑兒話怕醜

馬在驤首次拍劇，對手是宅男女神簡淑兒，她大讚處男拍劇的馬在驤表現不俗：「話晒有視帝加持﹗」而馬在驤直認有向老竇請教：「因為我係做佢嘅後生版，所以會問佢啲對白你會點講，想出來效果一致啲﹗」馬在驤被指和父親如餅印兄弟，連簡淑兒都話會認錯：「側面同後面都會以為係馬神，佢（馬在驤）仲高過馬神。」

網民狂踩馬在驤下巴過長

簡淑兒大讚馬在驤有其父之風範，不過網民唔係咁睇，有不少網民指馬在驤外表過分成熟，比真實年齡老，又指其下巴特長似鞋底、好古怪，更有指其髮型、樣貌甚至笑容都同日本有「神之手」之稱AV男優加藤鷹撞樣﹗被封港版性博士，唔知馬在驤父子點睇呢，點都好啦，至少令人留下深刻印象，未嘗不是一件好事﹗

網民指馬在驤跟日本著名男AV加藤鷹撞樣。