獨家!湯洛雯馬國明結婚有望在疫情後?連體孖住揀愛巢 情傾淺水灣豪宅
「湯馬戀」公開半年,46歲馬國明與33歲湯洛雯全天候甜蜜晒愛放閃,馬明不單止有家不想歸,還長駐靚湯紅磡屋企,明言以結婚為終極目標,派定心丸給靚湯。被指有嫁期的靚湯強調不會閃婚,婚前亦要先買樓,這日就孖住馬明一起研究淺水灣的豪宅筍盤,看定愛巢也是時候,不過靠自己沒有家底的馬明好像就看到一額汗!
原文刊於:東方新地|圖片來源:東方新地|編輯:Cyan
湯洛雯馬國明結婚有望在疫情後
馬明與靚湯一直被懷疑已婚及即將會閃婚,搞到二人要連番澄清,靚湯出席公開活動時強調未有結婚打算,亦堅拒閃婚,她說:「我們都是有計劃的人,之前受訪話不排除會閃婚都是講笑,結婚要計劃好多,起碼父母要知道,又要買樓,暫時我們想儲錢,當初拍拖都講過以結婚為前提,都幾多歲啦,不會玩了。」
馬明與靚湯愛得坦蕩蕩,拍拖唔夠一年已承認曾商討婚姻大事,二人見過雙方家長,關係穩定有共同目標,看來好事不遠,據知情者透露:「馬明就快50歲喇,唔結等幾時,難得靚湯都對佢死心塌地,仲話結婚生仔係下一步,唔好夜長夢多喇!佢哋都想疫情後先大搞,有計劃出年成事!靚湯有家底,佢爸爸湯鎮宗亦手持過億物業,但靚湯想婚後同馬明有屬於自己嘅安樂窩,最近佢哋都睇緊樓,揀定心水地區,等個市稍為回落就去馬,錢嗰方面都唔大問題,靚湯屋企大把,馬明亦搵到。」
為老爺奶奶肯讓步 港島區築愛巢
圈中不少情侶成家立室後,都搬去港島區名校網,方便日後子女返學,好像陳豪陳茵媺一家,由大埔比華利山別墅搬去港島南灣豪宅,不過住開九龍區的靚湯竟為了未來奶奶與老爺,有意在港島區築愛巢。
自小在馬鞍山長大的靚湯,近年搬到紅磡住,她深知馬明與家人同住在太古城多年,再加上馬明侍母至孝,不想婚後離家太遠,所以她亦作出讓步,知情者說:「靚湯同馬明有晒共識,知道佢住開港島唔想離屋企太遠,得閒可以成日返去探兩老,所以最近特別留意港島區啲樓。」早前本刊見靚湯路過地產舖亦駐足研究淺水灣一帶的樓盤,現場所見, 她對住全部億億聲的賣盤單位,不停手指指意見多多,馬明就細心聆聽間中回應一兩句,看來靚湯對淺水灣的豪宅頗有興趣,不過馬明睇到個銀碼個心應該怯一怯。未來老婆想住淺水灣,馬明要再加把勁喇!
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。