麥明詩泳照晒靚背!Staycation素顏影靚相 力證轉做OL身材無走樣
麥明詩決心淡出娛樂圈,轉行到國際公司擔任商業顧問,工作忙碌,朝九晚十一,吊頸都要抖吓氣,麥明詩選擇到中環五星級酒店Staycation,雖然不再是全職藝人,但穿上三點式晒出白滑靚背,身材同選港姐時一樣咁fit。
原文刊於:東方新地 | 圖片來源:麥明詩IG
麥明詩泳照晒靚背!Staycation影靚相 力證轉做OL身材無走樣
麥明詩淡出娛樂圈轉做OL
麥明詩2015年奪得港姐冠軍後一直備受力捧,被安排拍劇、主持綜藝、大騷司儀,早前播出劇集《殺手》當中演盲妹,演技受讚賞,不過麥明詩卻在當紮之時跟無綫改簽一年一騷「甘草約」,華麗轉身轉行到國際公司麥肯錫(McKinsey)擔任商業顧問,不但要四圍飛,工時長,早前被影到幫同事買咖啡返工,跟以往做藝人有多人服侍完全不同。不過麥明詩對淡出娛樂圈仍然好大決心。
麥明詩Staycation享受家庭樂
麥明詩透露新工雖然辛苦,但她為了理想仍會堅持下去,不甘留在大染缸的娛樂圈,喜歡接受挑戰的麥明詩自言工作辛苦,故早前入住本地酒店享受假期,Staycation選擇到中環五星級酒店。同林作甩拖未有展開新戀情,冇拖拍,冇有怕,同家人關係向來好麥明詩,同父母及哥哥享受Staycation,自細同哥哥感情要好的麥明詩,呢次Staycation不少靚相都是由哥哥操刀。
素顏麥明詩紅色三點式好吸睛
麥明詩著上紅色三點式落酒店暢泳,素顏上陣,在池邊回眸依然sharp醒,加埋個白滑靚背,好吸睛,而呢張靚相,麥明詩特別將credit注明操刀是其任職醫生的哥哥。麥明詩話轉工後由於工時長,令她養成食零食習慣,令體重上升,不過看這張三點式照,明顯身段保時得好好﹗Staycation當然少不了飲飲食食,一家四口除了在酒店房的大廳中早餐外,亦有到酒店內的米芝蓮三星中餐廳晚膳,睇麥明詩一家四口笑得咁開心,便知一家人齊齊整整便心足。
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。