蔡嘉欣 蔡嘉欣

26歲落選港姐蔡嘉欣上位快過三甲!殺入《姊妹淘》搶fo 被指晒名牌袋炫富犯眾憎

娛樂資訊

有九年歷史的無綫長壽節目《姊妹淘》,今年7月革新推出第四輯,主持班底除了元老級莊思敏外,還有上一輯已加入的上屆落選港姐蔡嘉欣及新晉宅男女神陳詩欣,再加上IG女神曾淑雅及傅嘉莉等。一班靚女看似柴娃娃好熱鬧,不過有女人自然有是非,爭妍鬥麗面和心不和走唔甩,而落選港姐蔡嘉欣就被指搶fo晒名牌袋炫富犯眾憎。

原文刊於:東方新地|圖片來源:東方新地、節目截圖、蔡嘉欣Instagram

蔡嘉欣上位快過港姐三甲

被指上位快過港姐三甲的蔡嘉欣,殺入《姊妹淘》不斷諗計搶fo,霸頭位搶對白冇大冇細,周身名牌狂炫富,恃住有米ibanker男友錫到燶,晒命唔使本,好快就成為犯眾憎。日前蔡嘉欣上樓盤節目接受訪問狂呻樓價高企難上車,不過家中有兩大個櫃放滿包包,被網民狂插總值幾十萬的包包已經夠做首期。明知自己惹火,蔡嘉欣都唔識低調立品,好明顯輸經驗。

26歲的蔡嘉欣樣貌比實際年齡成熟,去年10月開始加入《姊妹淘》成為台柱主持之一。
26歲的蔡嘉欣樣貌比實際年齡成熟,去年10月開始加入《姊妹淘》成為台柱主持之一。(圖片來源:東方新地)
去年參選港姐即成頂頭大熱,蔡嘉欣打入五強後落選,有指是非纏身所致。
去年參選港姐即成頂頭大熱,蔡嘉欣打入五強後落選,有指是非纏身所致。(圖片來源:東方新地)
入唔到三甲焉知非福,蔡嘉欣有得主持《姊妹淘》又有得拍劇,機會跑贏晒港姐三甲。
入唔到三甲焉知非福,蔡嘉欣有得主持《姊妹淘》又有得拍劇,機會跑贏晒港姐三甲。(圖片來源:東方新地)

娛樂圈向來都是憎人富貴厭人貧,入行只有一年的蔡嘉欣去年選港姐時已是當紅KOL,是非多多被揭一大堆黑歷史,有指她因拜金而拋棄無綫藝人吳子沖,並結識有錢ibanker新歡,男友更在將軍澳天晉租了一個月租近二萬五元的單位,方便她參選時出入將軍澳電視城。結果蔡嘉欣大熱倒灶,即被無綫睇中簽約成親生女,極速被安排加入《姊妹淘》做主持,最近更有份參演劇集《智能愛(AI)人》及處境劇《愛回家‧開心速遞》,工作機會遠遠超過去年港姐三甲。

有樣有身高的蔡嘉欣,不時在 IG晒泳照及性感照吸粉,其社交網粉絲早已過十萬。
有樣有身高的蔡嘉欣,不時在 IG晒泳照及性感照吸粉,其社交網粉絲早已過十萬。(圖片來源:蔡嘉欣Instagram)
曾被指為了有米新歡撇大茄演員男友的蔡嘉欣,與ibanker男友拍拖三年經常出埠外遊,蔡嘉欣唔介意男友高調曝光,在IG狂晒二人親密合照。
曾被指為了有米新歡撇大茄演員男友的蔡嘉欣,與ibanker男友拍拖三年經常出埠外遊,蔡嘉欣唔介意男友高調曝光,在IG狂晒二人親密合照。(圖片來源:蔡嘉欣Instagram)

為人高調過分進取其他主持藐爆

做慣網紅的蔡嘉欣,時裝及美容觸覺都有番咁上下,做《姊妹淘》主持開中佢嗰瓣,不過野心太大亦令她成為不少人的假想敵,據知情者透露:「Kayan(蔡嘉欣)表現得太進取,搶對白講同埋成日霸頭位、中間位都好明顯,試過有一集講美腿準則,為咗突顯自己高人一等同長腿,佢提議幾位女主持喺鏡頭前鬥腳長,佢又笑唔係個個女主持都可以坐喺長凳腳掂地。恃住自己口才好公司又畀機會,Kayan喺其他人面前都幾寸嘴㗎,但對住大家姐莊思敏就扮晒嘢好奉承,最難頂都係成日晒名牌袋同晒男朋友點樣錫佢,又話男友帶佢遊世界去過好多個國家咁,正所謂一山不能藏二虎,傅嘉莉就最唔妥佢,喺背後藐爆。」

每次拍攝及影大合照,蔡嘉欣即自動波霸佔有利位置,入行年資比她長的傅嘉莉都望塵莫及,輸晒身位,難怪在背後藐爆。
每次拍攝及影大合照,蔡嘉欣即自動波霸佔有利位置,入行年資比她長的傅嘉莉都望塵莫及,輸晒身位,難怪在背後藐爆。(圖片來源:東方新地)
早前一集講美腿準則,身高174cm的蔡嘉欣意見多多,拍前仲建議即場度腿鬥腳長。
早前一集講美腿準則,身高174cm的蔡嘉欣意見多多,拍前仲建議即場度腿鬥腳長。(圖片來源:節目截圖)
莊思敏是《姊妹淘》元老主持,經過四輯改朝換代只有她有得留低,蔡嘉欣當眾大讚莊思敏雙腿就是美腿準則,擦鞋擦出面。
莊思敏是《姊妹淘》元老主持,經過四輯改朝換代只有她有得留低,蔡嘉欣當眾大讚莊思敏雙腿就是美腿準則,擦鞋擦出面。(圖片來源:節目截圖)
蔡嘉欣度過自己雙腿與身高比例合乎標準,興奮大叫沾沾自喜。
蔡嘉欣度過自己雙腿與身高比例合乎標準,興奮大叫沾沾自喜。(圖片來源:節目截圖)
莊思敏拿著一張紙牌,寫上大腿與小腿的國際標準,當知道亞洲人普遍不能達標,蔡嘉欣突然把紙牌怒擲落地,表現激動,最後要莊思敏去執紙牌。
莊思敏拿著一張紙牌,寫上大腿與小腿的國際標準,當知道亞洲人普遍不能達標,蔡嘉欣突然把紙牌怒擲落地,表現激動,最後要莊思敏去執紙牌。(圖片來源:節目截圖)

呻無錢做首期上車 但一櫃名牌袋

在蔡嘉欣的IG內,幾乎每日都拎不同名牌手袋,絕大部分都係Hermès同Chanel,有數得計總值肯定超過五十萬,不過佢日前就在無綫的樓盤節目內大呻未夠首期上車,又話唔想畀一成首期供幾十年樓,節目一出即被明眼網民鬧爆佢啲名牌袋都夠畀首期。作為野心勃勃的港女,或者蔡嘉欣想買幾千萬以上的豪宅,區區幾十萬真係唔夠呢?與其賣袋換首期,冧男友送樓可能仲可行。

早前蔡嘉欣上無綫節目《我要做業主》接受胡諾言訪問,她呻樓價高企難圓業主夢,又表示唔想畀一成首期供九成,寧願儲多幾年錢先買樓。
早前蔡嘉欣上無綫節目《我要做業主》接受胡諾言訪問,她呻樓價高企難圓業主夢,又表示唔想畀一成首期供九成,寧願儲多幾年錢先買樓。(圖片來源:節目截圖)
與家姐同住將軍澳兩房私樓單位的蔡嘉欣,早前自拍家居實況放上 youtube,兩個大櫃放滿名牌手袋,她竟說依家已經冇咁揮霍。
與家姐同住將軍澳兩房私樓單位的蔡嘉欣,早前自拍家居實況放上 youtube,兩個大櫃放滿名牌手袋,她竟說依家已經冇咁揮霍。(圖片來源:節目截圖)
26歲蔡嘉欣殺入《姊妹淘》搶fo上位 晒名牌袋炫富犯眾憎
(圖片來源:節目截圖)

26歲蔡嘉欣殺入《姊妹淘》搶fo上位 晒名牌袋炫富犯眾憎

有網民睇完蔡嘉欣的供樓論,直斥她賣晒啲包包就可以當首期,插爆佢不切實際。
有網民睇完蔡嘉欣的供樓論,直斥她賣晒啲包包就可以當首期,插爆佢不切實際。(圖片來源:Facebook截圖)
廿歲出道已經周身名牌的蔡嘉欣,擁有的名牌多不勝數,不過她對Hermès與Chanel最情有獨鍾,多年來收藏不少經典同長青的款式,睇佢IG淨係睇袋都目不暇給。
廿歲出道已經周身名牌的蔡嘉欣,擁有的名牌多不勝數,不過她對Hermès與Chanel最情有獨鍾,多年來收藏不少經典同長青的款式,睇佢IG淨係睇袋都目不暇給。(圖片來源:蔡嘉欣Instagram)

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended