《金宵大廈2》江嘉敏撻Q 大呻顧唔掂兩套劇演出 「我冇緣同大家見面」
神劇《金宵大廈》將李施嬅、陳山聰事業推上高峰,《金宵大廈2》正式開拍,雖然今次故事藍本與第一輯基本上冇關連,不過李施嬅同陳山聰一樣要一人分飾兩角,大玩平行時空,難度甚高,而劇中參演角色亦漸漸曝光,新加入的演員陣容本有伍詠薇、龔嘉欣與及劇中演一對的連詩雅和胡鴻鈞等,而本來有份的江嘉敏則撻Q,與《金宵2》無緣。
撰文: 東方新地|編輯:SIX
江嘉敏《金宵大廈2》造型都試埋
神劇人人想參與,新加入演員陣容曝光後,觀眾熱切期待,而新加入演員本有是非小花江嘉敏,正在趕拍《七公主》的她,期間已為《金宵大廈2》完成試造型,她更在社交網晒出早前試造型時的自拍照及片段,可見其有份參演的興奮程度!
江嘉敏原本在《金宵大廈2》戴上假髮,會以一頭短髮示人,造型試裝完成,不過近日經常被問及何時入《金宵大廈2》劇組,江嘉敏為免外界猜測,自動波爆料,在社交網寫道:
大家都問我幾時開《金宵大廈2》。我惟有喺度同大家講聲,喺今輯嘅《金宵大廈2》我冇緣同大家見面。但我都好多謝監製同編審諗起我,喺現時階段,我會專心拍《七公主》!
江嘉敏拍《七公主》撞車 呻:廠景接外景好攰
近月忙於拍攝無綫新劇《七公主》的江嘉敏,早前曾在社交網站出post自爆出外景期間撞車,報平安兼交代事發經過︰「真係不幸之中嘅大幸,廠景接外景,人的確好攰,出外景時,又行錯路又塞車,仲要撞車!車有事吖,不過好彩人冇事!」似乎已經超越她所能承擔的,仲失暈撞車慶幸人冇事!
李施嬅、陳山聰已投入拍攝《金宵大廈2》,開首已拍攝幾場親熱戲,但二人駕輕就熟,全無芥蒂。
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。
Tag
TVB