孟瑤「晶女郎」自爆已離婚!繼續富貴大曬收花收包包

孟瑤「晶女郎」自爆已離婚!繼續富貴大曬收花收包包

35歲的孟瑤於2008年跟內地富豪周磊秘密結婚,囝囝都9歲大,本來生活無憂賺錢買花戴的樂,突然宣佈去年已和老公已離婚,不過闊太生活依舊的她,日前仲喺微博大晒收花收包包,力證自己單身一樣有市場。

原文刊於:東方新地

孟瑤靠性感出位

上月七夕,孟瑤身在香港,佢喺微博上載收花相,身穿低胸裝身後有無敵海景,不過重點就去咗最低入場費十幾廿萬一個嘅Hermes包包度喇!
上月七夕,孟瑤身在香港,佢喺微博上載收花相,身穿低胸裝身後有無敵海景,不過重點就去咗最低入場費十幾廿萬一個嘅Hermes包包度喇!
日前孟瑤喺微博自爆同內地富豪老公已經離婚,因為性格差異喎!
日前孟瑤喺微博自爆同內地富豪老公已經離婚,因為性格差異喎!
孟瑤同老公育有一個9歲兒子,離婚後二人共同撫養。
孟瑤同老公育有一個9歲兒子,離婚後二人共同撫養。

曾經係王晶愛將嘅孟瑤,當年做「晶女朗」憑性感導彈身材出位,喺《我老婆係賭聖》同《七擒七縱七色狼》等電影中都搶晒fo,到08年同內地內衣品牌總裁周磊結婚,10年生埋囝囝,之後孟瑤邊做闊太邊拍戲,依然留戀做明星。日前孟瑤突然喺微博宣佈,去年已經同富豪老公登記離婚,又指會共同撫養已經9歲嘅囝囝Dustin。無論當年結婚定係今次離婚孟瑤都一樣低調,難怪今年7月佢透露會簽內地新經理人公司,以全新姿態示人,原來因為已經回復單身。

以前身材激凸甚有肉地嘅孟瑤,去年銳意到荷李活發展,更曾赴美國上堂學英文及演戲,又積極做運動及減肥,短短三個月成功減掉18磅,可惜因中美貿易戰及疫情而受阻。
以前身材激凸甚有肉地嘅孟瑤,去年銳意到荷李活發展,更曾赴美國上堂學英文及演戲,又積極做運動及減肥,短短三個月成功減掉18磅,可惜因中美貿易戰及疫情而受阻。
勤做運動操弗都要放爆汗相上微博,孟瑤想引死人呀?
勤做運動操弗都要放爆汗相上微博,孟瑤想引死人呀?

性格差異導致離婚

孟瑤喺微博公告離婚消息:「各位關心、愛護我的朋友們︰我已恢復單身一段日子了,我和周先生一起共度了很多美好的時光,可惜未能克服性格的差異,因此於2019年已經登記離婚了,並共同撫養我們的兒子。儘管已不是夫妻,但我們是永遠的家人。懇請外界不要作不必要的臆測,這會傷害我和我的家人,亦懇請大家給予我們私人空間,讓我們適應新的生活。感謝大家的愛護和支持!」

做咗人妻同人母嘅孟瑤,樣同身材都keep得好好,早前更影咗一輯懷舊相放上微博,大晒長腿。
做咗人妻同人母嘅孟瑤,樣同身材都keep得好好,早前更影咗一輯懷舊相放上微博,大晒長腿。
以前嘅孟瑤乳出驚人,肯露唔怕蝕底,深得老闆王晶寵愛。
以前嘅孟瑤乳出驚人,肯露唔怕蝕底,深得老闆王晶寵愛。(圖片來源:東方新地)
「晶女郎」孟瑤當年受王晶力捧,出席公開場合都拖實佢。
「晶女郎」孟瑤當年受王晶力捧,出席公開場合都拖實佢。(圖片來源:東方新地)
孟瑤主演嘅呢套《七擒七縱七色狼》真係好經典。
孟瑤主演嘅呢套《七擒七縱七色狼》真係好經典。(圖片來源:東方新地)

七夕收心形花

去年已經離婚嘅孟瑤絕對不甘寂寞,35歲嘅佢仲有大把裙下之臣,從近日喺微博上載嘅近況顯示,依家身處香港嘅孟瑤喺啱啱過去的七夕(8月25日),收到兩大紮靚花,其中一紮更砌成心形,唔止呀!椅上仲放咗一個閒閒地十幾廿萬嘅愛馬仕包包,送禮者認真大手筆。

孟瑤08年同內地富商周磊秘婚,三年後仔都生埋先豪花3千萬補辦夢幻婚禮,當年一家三口好幸福。
孟瑤08年同內地富商周磊秘婚,三年後仔都生埋先豪花3千萬補辦夢幻婚禮,當年一家三口好幸福。(圖片來源:東方新地)
老公係內地「胸圍大王」,孟瑤除咗獲老爺送3千呎北京豪宅外,早年又在北京投資開餐廳,後來賣盤賺錢,再喺上海開設五萬呎KTV,另老公又打本畀佢做內衣店的CEO,不時見她在港一身闊太打扮現身。
老公係內地「胸圍大王」,孟瑤除咗獲老爺送3千呎北京豪宅外,早年又在北京投資開餐廳,後來賣盤賺錢,再喺上海開設五萬呎KTV,另老公又打本畀佢做內衣店的CEO,不時見她在港一身闊太打扮現身。(圖片來源:東方新地)

同蕭公子演夫妻

當年戰鬥格嘅孟瑤甚有男人緣,婚後接拍劇集《風雲天地》同蕭正楠合演夫妻,打情罵俏之餘仲有接吻戲,戲外佢哋都出雙入對傳過緋聞,今次孟瑤離婚變單身女王,一定有好多男士虎視眈眈啦!

13年同蕭正楠喺內地拍劇集《風雲天地》合演鬥氣夫妻,奉旨打情罵俏又有接吻戲,戲裡戲外出雙入對更傳出緋聞。
13年同蕭正楠喺內地拍劇集《風雲天地》合演鬥氣夫妻,奉旨打情罵俏又有接吻戲,戲裡戲外出雙入對更傳出緋聞。(圖片來源:東方新地)

 

你可能也喜歡