林作保險界「話題新人王」自爆月入XX萬 碌爆阿媽人情卡 搵客全靠呢招？
林作加入保險界不足半年，頻頻「晒業績」，榮升新人王「收𡃁」半百有自己團隊，還高調晒命炫富，花四萬幾買一套意大利名牌西裝，力證搵到又使到，風頭一時無兩。不過，背後卻有指林作全靠富貴阿媽朋友多，先可以月月有大單簽，早前更被網友cap圖放上網，投訴在fb收到「三唔識七」的林作私訊，招呼都冇打，就問佢沒有買保險，新人王都要用cold call「𢱑客」，難度媽媽已經刷爆人情卡，擔心自己無以為繼？
撰文、圖片：東方新地
林作保險界「話題新人王」自爆月入約24萬
有林作的出現就有話題，大律師出身的他，為出位無所不用其極，今年4月宣布轉投保險界，一開始就虛張聲勢，招兵買馬成立團隊，首月已打入公司業績新人榜首位，最近持續囂張，更貼出一張名單，是他所屬的保險公司7月份最高保單數量英雄榜，他居於第一位，展示他在7月成功做了27張保單，自爆月入約24萬。
林作保險業績 靠碌爆阿媽人情卡cheap招搲客？
林作雖有三吋不爛之舌，但短短幾個月業績如此誇張，被指全靠富媽媽背後全力發功，據知情者透露：「林作突然轉行做保險，外界都質疑佢會唔會做得長，唔識佢嘅人根本唔會貿貿然幫襯佢買保險，佢咁短時間爆單都有啲可疑，唔排除當中好多都係林母嘅關係，林母係一個好成功嘅生意人，脈絡好廣而且好有交際手腕，佢啲朋友都非富則貴，幫佢個仔林作買一份半份保險算得係咩，不過關係都有用盡嘅一日，邊度得嚟咁多新單。」
頭幾個月威到盡頭，林作為引新人入行欲擴大團隊賺佣，不停炫富晒幾萬蚊西裝同過萬蚊一對皮鞋。深知阿媽客路總有乾塘之日，話題新人王為keep住業績都要諗諗新招，早前有網民收到林作在fb的私訊，頭一句即開門見山問買咗保險未，網民與他三唔識七，只有一個共同朋友，收到林作的無禮cold call即放上網公開問人點回應好，因而揭發林作竟如此𢱑客。厚面皮係林作嘅特質，畀人圍攻濕濕碎，佢最怕係有頭威冇尾陣啫！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
