林盛斌Bob「大過地球」四層巨宅曝光!搵錢能力驚人 愈搬愈大愈住愈豪
今年四十歲的Bob林盛斌由電台 DJ 到電視主持、由參演電視劇到做電影男主角、由活動婚禮司儀到自己兼顧製作、經理人公司老闆,他可能是近年上位最快、瓣數最多、曝光又最頻密的男藝人!曝光多、人氣高,簡單而言即是搵錢能力都驚人,連屋都愈搬愈大愈住愈豪,15年由太子道900呎舊居搬去加多利山三千呎豪宅,去年初被逼遷後更上一層樓,入住九龍塘四層獨立屋,到底有幾「豪」?一起看下去…
撰文、圖片:東方新地|原文刊於:東方新地|編輯:Cyan
林盛斌「大過地球」四層巨宅曝光
07年結婚,婚後生完又生,如今家有三女一子,因為「搵到」所以不怕生多點養多幾個,定係生得多所以搵食動力都高過人,甚麼原因也好,總之結果就是搵到亦都享受得起!
15年由太子道900呎舊居搬去加多利山三千呎豪宅,去年初被逼遷後更上一層樓,入住九龍塘四層獨立屋,地方更闊落設備更齊全,用經常上門作客的老友農夫成員 C 君的說話去形容,Bob 屋企「 大過地球 」咁話喎!
平時早出晚歸四出奔波搵錢養家,疫情打擊下被迫放緩工作步伐,Bob 難得多了時間留在屋企湊吓仔女享受吓家庭樂,分享多了與仔女玩樂學習日常相片,「 大過地球 」豪宅間隔亦都因此逐格曝光。
飯枱大到加上轉盤開到一圍十二人酒席、偏廳可以改裝成遊戲廳「闊落」過 playgroup、花園有假山有噴水池大到可以開到poolside燒烤派對、房多到四個仔女可以有個專屬學習房兼圖書館,一家六口加埋三個工人姐姐都夠住仲綽綽有餘,看來Bob再追多幾個都可以!
好生養又相夫教子之外,Bob 嫂亦考了各種牌照,近期仲幫人看風水,好學又識幫輕Bob負擔的她在家中也有專屬辦公室,還大到可以招呼同事開會。
市中心豪宅地段都可以有大型私家花園亦是新屋賣點,有假山有水池還可以放到裝得落 Bob和四個仔女的超大型吹氣泳池之餘,還有位剩可以招呼朋友 BBQ。
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。