獨家!李佳芯西貢千萬獨立屋曝光 超強風水地旺人緣、旺丁、旺財 事業即有起色
37歲李佳芯早前被指因遭大台雪藏,多套劇集和原有角色都被抽起或改由他人主演,但李佳芯沒有因此放棄,更以最真實、最「貼地」的性格與拍拖六年的真愛男朋友陳炳銓,患難見真情相依走過寒冬,如今終於捱出頭,更進駐西貢千萬獨立屋搬屋轉運,有風水師更指該地區風水超好,有助各方面都一帆風順。
撰文:Sylvia Liu|原文刊於:東方新地
李佳芯由御用小三變視后 進駐西貢千萬獨立屋
Ali 加入TVB至今,飾演過多個「邪花」、小三角色,全因早前人氣劇集《BB來了》則擺脫過往形象,飾演一個意外懷孕的新手媽媽,有不少網友也大讚Ali演活了身為新手媽媽的心態,更讓Ali奪下視后寶座。
李佳芯模特兒+有線出身
Ali大約10年前已多次同《新假期》上山下海,由台灣、日本,去到意大利、澳洲、斐濟,最勁更去了南極!
拍拖六年男朋友陳炳銓 患難見真情做心靈密友
李佳芯(Ali)簽無綫八年來機會不絕,坐穩一線花旦的Ali去年卻因網上言論而令事業受挫,據知情者透露:「Ali從來都係有嗰句講嗰句嘅人,就係咁輸蝕囉!經過呢次教訓,以後都會慎言。喺呢段時間,Ali依然冇停低,繼續增值自己,佢男友Danny(陳炳銓)亦非常支持畀好多鼓勵佢,同佢分析形勢同以後嘅路應該點行,拍拖六年嚟佢哋都好著重心靈溝通,真係打風都打唔甩。」
進駐西貢白沙灣獨立屋 坐正風水龍脈
Ali與陳炳銓被封美女與野獸的結合,由於二人效力敵對的電視台,拍拖初期已傳出無綫施予壓力,但事實證明Ali對男友矢志不渝,更排除萬難發展至同居,早年本刊影到他們在西貢夾錢租住村屋,之後再搬去將軍澳清水灣半島,到近月Ali與陳炳銓已進駐西貢白沙灣的獨立屋,愈住愈富貴,切合Ali視后身份。
知情者透露:「Ali同Danny三年前養咗隻唐狗豆豉,搬上樓之後,佢哋覺得放狗好唔方便,再加上Ali事業有阻滯,所以就搵咗依家住嗰間西貢獨立屋,Ali雖然被放入雪櫃一段時間,但佢搵錢能力唔弱,今年四月ViuTV冇再同Danny續約,但佢依然繼續有劇拍同做幕後,都仲有好多Job,出面又開班教演戲,唔係坐食山崩!聽講佢哋依家住嗰度風水好好,入住冇耐Ali已經收到《殺手》會上,公司仲幫佢安排咗好多宣傳工作,就算唔可以拍合拍劇,香港市場都夠佢發圍!」
本刊記者找來著名玄學家吳佩孚,對於Ali位於西貢的新居,吳師傅表示原來該處有個傳奇:「嗰度有間車公廟,以前賴布衣去過,仲點咗個穴叫『虎下明塘』,附近山形好似五隻老虎向下,咁啱盤地就係呢個屋苑所在,照山形地勢嚟睇,嗰度人傑地靈,旺人緣、旺丁同埋旺事業,做藝人就會有觀眾緣,姻緣會好,亦催旺生兒育女。再睇屋前景觀,門前開揚遠景望山,西貢附近山脈壯大,搵錢容易,所以西貢亦特別多藝人鍾意住。」
李佳芯孖男友貼地拍拖放狗
既然計劃趕不上變化,37歲的Ali順著前路走,與陳炳銓築起愛巢養狗為樂,近幾年Ali都喜歡去西貢市拍拖兼放狗,早前被迫停工,本刊記者亦影到Ali與陳炳銓貼地放狗,視后經常素顏幫襯茶餐廳同西貢海鮮酒家, 繼續做回真我。做藝人一命、二運、三風水,事實證明Ali甚有觀眾緣,希望新居真的為她帶來好運,之後可以繼續發光發熱。
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。