大肚媽媽靚得健康(1)

網誌

相信唔少有左bb既媽咪都仍然想扮靚靚出街,
不過又怕用左唔適合既skincare或者makeup products,
今次我地就搵左幾款岩孕婦用既skincare產品介紹比各位靚媽,
有啲連bb都岩用架,大部分成分溫和、天然、有機,
因為太多products,我地會分兩篇介紹,
有邊啲products?一齊睇下啦~

CATTIER/ Smoothing Radiance Mask 50ml $389

CATTIER 有機柔滑亮肌面膜含豐富的滋潤及抗衰老活性成分,
能深入修護及滋潤表層皮膚,改善膚色及淡化幼紋,令肌膚重現飽滿緊緻。
主要成分包括有機摩洛哥堅果油、綠色微藻提取物、蘆薈。
配方加入番石榴酵素,能溫和去角質,刺激細胞更生,改善肌膚質感及明亮膚色。
適合乾燥及成熟肌膚。

有左BB其實真係好多野都要避忌,
如果做啲較刺激既療程可能就未必得,好似係激光、彩光等等,
如果遇上乾燥天氣,皮膚又好乾,覺得出得多左細紋,
咁就可以喺屋企敷下mask喇~

呢隻cattier既mask好滋潤,
質地好似cream咁,有淡淡既堅果油味道,
薄敷一層已經好夠,皮膚感覺到潤滑左。

ORIGINS產品源於天然,基本上適合孕婦使用,採用100%純天然植物精華油,
不含防腐劑、起泡劑、化學防曬、保濕劑等:
二乙醇安DEA、對羥基苯酸酯、礦物油、
凡士林、石蠟及動物成分等化學成分作防腐劑。

有左bb唔係全部野都唔做得,

好似係普通既膚程序,就算有左bb都需要做保養架~
不過用既產品可能就要更換一下,
ORIGINS既產品大部分都係採用天然成分,
以下呢三款產品仲係主打潔淨、阻隔污染物添架。

(左)Checks & Balances™衡膚泡沫潔面霜150ml $190
成分中的蒟蒻粉能吸收過多的油脂,
水解蛋白能平衡和保護乾燥部分,電石能去除毛孔的殘餘污垢,
但唔會帶走肌膚中水分,感覺清爽潔淨。
適合泛油的肌膚。

呢個mousse狀既cleanser質地比較杰,
所以份量唔需要多,加左水之後起泡能力好好,
用手推開都有好多細密泡泡,清潔力唔錯,

洗淨後會感覺好清爽,油性皮膚既媽媽就岩用。

(中)Dr. Andrew Weil for Origins™ 靈芝菇菌抗逆健膚紓緩水 200ml $320
揉合升級高抗氧化抗逆健膚成分「沙棘果」,配合經典菇菌配方,
及草本成分如薑根、薑黃、聖羅勒,能迅速為肌膚保濕及鎮靜,
同時為敏感泛紅皮膚降紅,強化細胞,調理肌膚。
適合泛紅及敏感性肌膚。

呢隻lotion既質地係全透明水狀,草本植物味道,
拍上面後滲透力好好,好快吸收晒,
皮膚感覺好清爽水潤,
加上佢有抗敏配方,適合皮膚比較薄、易敏感既媽媽。

(右) Dr. Andrew Weil for Origins™ Mega-Bright75ml $520
極亮明肌淡斑夜間面膜揉合皇牌成分高原刺梨,
高效抗氧化、抗炎、淡斑,修復色斑,
阻隔游離基同時增強肌膚的修復能力,
並加入天然成分如桑樹及黃芩,
全面對抗及阻截黑色素沉澱,同時為肌膚保水,
於晚間為肌膚進行修護,適合所有肌膚使用。

呢個mask雖然主打亮肌,但係成分都係好安全同溫和,
佢既質地係比較厚身既cream狀,味道有啲似檸檬既清新香味,
因為佢比較厚身,都唔需拎太多份量,
皮膚敷後會感覺水潤左、柔軟左,

如果想淡斑或者亮肌就可以試試呢一款。

韓國品牌 Wish Formula 旗下品牌及醫學美容系列,
主要以發酵煥膚技術作基礎,推出多達80款醫學護膚產品。
品牌分為「專業醫學美容系列」及「家用醫學美容系列」,
系列包括生物發酵煥膚、暗瘡、黑頭、美白、抗皺、抗氧化、
抗衰老、肌膚過敏、鎮靜、保濕及多功能面膜等。

雖然呢個品牌出既係醫學美容系列,
但係家用既產品大部分性質都好溫和,
而且特別適合敏感肌皮膚。

(左1)溫和潔膚液 300ml $240
潔膚液採用低敏配方及不含油性成分,無香料、無色素,不會刺激皮膚,
卵磷脂能有助預防老化,並能強化皮膚屏障,同時卸妝及清潔肌膚。
主要成分有溫和表面活性劑、神經醯胺3、卵磷脂、角鯊烯、澳洲堅果籽油。
適合敏感性肌膚、嬰兒肌膚,並可全身使用,

呢枝cleanser係gel狀,推開後唔會有太多泡泡,
性質比較溫和,可以同時卸妝,
洗完之後皮膚感覺好水潤,夏天用就岩岩好,
而且呢一枝cleanser BB都用得,
除左敏感肌,其他膚質都十分適合。

(左2)pH5.5洋甘菊莓子保濕爽膚 105ml $295

溫和配方爽膚水,接近肌膚pH酸鹼值,幫助敏感肌膚再生,
預防細菌或病菌感染,並修復肌膚屏障。
天然漿果萃取物為肌膚提供營養,回復光澤。
主要成分有四種漿果(覆盆子、蔓越莓、草莓、藍莓)萃取,
尿囊素、 洋甘菊萃取、維他命C、甘草酸二鉀。
特別適用於敏感肌膚使用。

呢枝toner有淡淡洋甘菊香味,質地係透明水狀,
搽上皮膚後好快就吸收晒,感覺水潤清爽,
用黎做肌底液都無問題,吸收後皮膚好似飲飽水咁,
適合所有肌膚使用。

(中)酵素舒緩抗敏精華 30ml $480
去除所有刺激肌膚成分,高濃度酵素取代類固醇,
舒緩敏感肌膚,緩解壓力、痕癢及減少肌膚刺激。

主要成分有積雪草萃取、β-葡聚醣、紅沒藥醇、母菊葉萃取、
甘草酸二鉀、薰衣草精油、發酵原液。
可用於敏感部位,特別適合敏感肌膚。

呢枝serum比B5厚身少少,呈水gel狀,淡黃色,無味,
呢一枝抗敏精華可以舒緩敏感肌膚,
搽上皮膚後感覺好舒服、水潤,
如果一啲敏感部位感覺痕袈不適都可以用佢架。

(右2)維他命B5水漾保濕精華 30ml $480
維他命B5水漾保濕精華蘊含維他命原B5、消旋泛醇、丁二醇、尿囊素、
天然維他命K(植物甲萘醌)和透明質酸,可修復受損及敏感肌膚。
不含對羥基苯甲酸、香料、色素及酒精,不含油性成分配方,

幫助肌膚形成保濕膜,為肌膚鎖住水分,防止水分流失。
特別適用於肌膚療程後使用,適合任何肌膚。

之前都有介紹過呢一款B5 serum,
透明水狀、無味,可以重點保濕,
搽上皮膚後好快吸收晒,皮膚表面感覺水潤,
喺乾地方再搽多一個份量就可以鎖住水分,
適合缺水性皮膚。

(右1)Ato 119保濕潤膚筆 17g $180
Ato119選用的特別配方,蘊含高濃度的天然萃取物,
可鎮靜肌膚,解決痕癢並舒緩濕疹肌膚。
主要成分有金銀花萃取、玻璃苣籽油、維生素E醋酸酯、
輔酶Q10、荷荷巴籽油、乳木果油、蜂蠟。
適合乾性、敏感性肌膚及濕疹肌膚使用。

呢一枝輕巧stick狀潤膚膏,好岩帶出街用,
有時候敏感皮膚過於痕癢,就可以用佢搽一搽,
搽上手後會有一層類似油狀既保護膜,
令到敏感既地方即時得到舒緩。

如欲取得更多第一手美容及扮靚資訊
可瀏覽Girls Talk Main Blog:Girlstalk Blog
或 Like我們的Facebook專頁:
Janice Lam Makeup Workshop Facebook

(版權所有,未經同意不得轉載。)

你可能也喜歡

Recommended