鄧梓峰,TVB,巴斯光年

鄧梓峰與孖仔外出似足「三個巴斯光年出巡」!億萬金牌司儀原來有學識又有家底

娛樂資訊

提起鄧梓峰,大家可能會想起巴斯光年或者飛機師,外形似足巴斯光年正氣的他,軍事和飛行知識豐富,博學多才還出身非凡,父親經營空運和海運業務,有指家族資產高達20億。不過,這位億萬富貴金牌司儀,卻不像一般富二代玩世不恭,30歲已經成家,與老婆恩愛並育有四名子女,四個仔女更似足爸爸有書卷味,全部在美國波士頓大學就讀。日前,鄧梓峰同老婆帶放假返港的孖仔遊赤柱,更教得一對孖仔聽教聽話,行去邊都聽從阿爸發號施令,鄧梓峰還「model上身」,不停「chok擺甫士」影相,更與一對孖仔「chok住影相」,三父子合體,似足三個巴斯光年出巡,非常搶眼!

撰文:東方新地|圖片:新傳媒圖片|編輯:Cyan

鄧梓峰帶孖仔遊赤柱

入行31年的鄧梓峰,由商台DJ 做到成為無綫金牌司儀,更是劇集 和電影「綠葉王」,在劇集扮過警司、醫生、律師及機師等專業人士入型入格,其實鄧梓峰本身正正就是專業會計師,畢業於美國波士頓大學會計系,他卻選擇放棄高級會計師工作加入娛樂圈,全因堅持興趣行先,亦要多得顯赫家族背景做後盾。父親鄧廷琮經營空運及海運業務,家族資產被指高達20億,大哥鄧小宇是作家及「號外」雜誌創辦人,二哥鄧小宙亦是作家並繼承家族生意,令身為孻仔的鄧梓峰可以沒有壓力零負擔做喜愛的工作。

一對孖仔在美國波士頓大學升學,日前趁假期回港,已經21歲的Matthew(鄧柏暉)及Justin(鄧松暉)長得高過爸爸,而且眉粗眼大面方方, 與爸爸一樣有幾分像卡通人物巴斯光年!

十項全能

出名博學多才,鄧梓峰早年已考獲小型飛機駕駛執照,有300小時飛行經驗,是香港飛行協會會員,香港航空青年團長官,就因為他的專業駕駛飛機技術,令他獲監製賞識,在劇集《衝上雲霄》演機師外,更成為劇集的飛行技術指導。好學的他更懂四國語言(中、英、法、德),潛水、馬術、哥爾夫球、劍擊、詠春及筆跡分析,人稱「十郎」也真夠十項全能。

想做偶像歌手

據知情人士透露:「其實Patrick(鄧梓峰)想入行做偶像歌手,但試音之後完全冇回音,後尾喺劉天蘭介紹之下,入咗商台做DJ ,之後過咗亞視做主持同司儀,但其實佢最初根本對主持工作冇興趣,都係因為做咗一個節目之後,令佢搵到好大滿足感,從此認定咗做司儀係自己嘅人生目標,過檔無綫之後,發展愈嚟愈順利,除咗成為金牌司儀,更加有機會拍劇集,雖然唔係擔正做主角,但機會不斷,亦培養出演戲嘅興趣,喺無綫劇集裡面有句台詞,叫『輕輕鬆鬆鄧梓峰』,就係佢嘅人生寫照,都係活在當下最緊要,所以工作之外,佢有好多興趣,閒時夾band圓佢想入樂壇嘅夢想。」

來自演藝世家

除了出身顯赫富戶,原來鄧梓峰太太更來自演藝世家,太太胞姊、姨媽、三妹、五妹及表妹,分別是圈中人夏丹、劉韻、華娃及黃宇詩,身為施明妹夫的鄧梓峰,與施明前夫李家鼎也算是親戚,四個仔女與李泳漢及李泳豪是表兄弟妹。不過,鄧梓峰一向低調,甚少談及家族背景,對家人更非常保護,想他們在沒有負擔下過平凡生活。與太太結婚26年,教育四名兒女持開放態度,凡事有商有量 。 知情人說 :「 本來四 個仔女都係讀傳統名校 , 但Patrick 發現 , 佢哋喺功課上遇到好大壓力,所以後嚟Patrick幫仔女轉晒去讀國際學校,教仔女更唔會睇重學業成績,反而係著重培訓佢哋嘅探索精神同自信心,更加好重視一家人嘅溝通,所以由細到大,Patrick 每年都會安排全家人去旅行,仲特別鍾意自駕遊,覺得一家人喺車入面,可以無所不談,係一個好好嘅溝通機會。」

三個巴斯光年出巡

少有與家人公開亮相的鄧梓峰,日前,趁一對孖仔放假返港,夫婦倆就帶孖仔遊赤柱,不經不覺,一對孖仔已經21歲長得高過爸爸,不過家族特色仍然保持,五官輪廓與爸爸一樣和巴斯光年「撞樣」,父子合體似足三個巴斯光年出巡,向來教仔有方的他,教得一對孖仔孝順聽話。雖然已經成年,出街仍好聽爸爸教導,行去邊全程由爸爸發號施令,見鄧梓峰行到邊影到邊,幫手揸機不在話下,兩個仔更陪爸爸「chok擺甫士」齊齊影,哄得阿爸非常開心,父慈子孝婚姻美滿,鄧梓峰堪稱人生贏家。

大女非常「省鏡」

與老婆結婚 26年,鄧梓峰育有四名子女,除了21歲雙胞胎孖仔長相似足自己,25歲長女鄧瓊芝(Natalie)及20歲細女鄧淑芝( Sonia)都長得亭亭玉立。前年大女 Natalie大學畢業,鄧梓峰與老婆出席女兒畢業禮,鄧太同囡囡更十足姊妹花。

鄧梓峰早年已考獲小型飛機駕 駛執照,在劇集《衝上雲霄》演 機長的他,更擔任該劇飛行技術指導。

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended