女性尿滲原來係因為盆底肌鬆弛!

女性尿滲原來係因為盆底肌鬆弛!

好多女性都會私下有一個尷尬問題,但又唔敢同人講,就係尿滲問題。而尿滲嘅其中一個原因,就係因為盆底肌鬆弛

(Presented by BTL)

點解會有尿滲問題?

有調查顯示,本港約有2至3成婦女會受尿滲困擾,喺醫學定義上只要尿液唔受控排出體外,就係尿滲,而大部分出現尿滲嘅女性都屬於「壓力性失禁」,女性出現「壓力性失禁」尿滲問題,可能係年長、肥胖、生產或分娩時嬰兒體重過大,甚或經常要蹲下,都會加重盆底肌的壓力,當咳嗽、打噴嚏、大笑或提起重物時,尿液便可能出現洩漏。

尿滲, 盆底肌鬆弛
以嬰兒模型作示範,會加重懷孕中婦女盆底肌的壓力,導致鬆弛。

其實任何婦女都有機會出現盆底肌肉鬆弛,尿滲唔只係產後媽媽、肥胖或中老年女士嘅困擾,15歲少女因為精神壓力出現膀胱過度活躍,或婦女三四十歲生育後、50歲收經後女性荷爾蒙減少,都可能引起尿滲困擾,所以我哋唔可以忽視!

相關文章: 盆骨底肌肉鬆弛 =失禁、子宮或膀胱下垂、性功能障礙!必學3招 收縮 盆骨底肌肉 運動

尿滲問題影響生活

尿滲問題更會影響到我哋嘅生活,例如:咳嗽、跑步、大笑、拎重物、行樓梯或走路都會出現尿滲,令好多女性都好尷尬。咁究竟盆底肌喺邊度?佢同尿滲有咩關係?對我哋女性有咩影響?今次我哋就搵嚟仁安醫院婦產科余啟文醫生同我哋解說一下!

M: MORE

Y:余啟文醫生

尿滲, 盆底肌鬆弛

M:盆底肌係咩嚟?如果盆底肌肉鬆弛會有甚麼問題?

Y:盆底肌其實係近我哋「盆骨」,盆底肌肉由恥骨即陰毛以下隆起嘅硬骨,向後伸展至尾龍骨,分3部分圍繞著尿道、陰道同埋直腸。如果盆底肌肉鬆弛,就會有尿滲問題,大部分出現尿滲嘅女性都屬於「壓力性失禁」,因女性嘅盆底肌肉負責承托膀胱、子宮同埋直腸,當盆骨底肌肉功能減退,失去承托力,嚴重會導致膀胱下垂、子宮跌出體外或影響大便等。

尿滲, 盆底肌鬆弛
盆底肌承托著尿道、陰道同直腸。

M:盆底肌鬆弛嘅原因係咩?而因盆底肌鬆弛引致嘅尿滲問題係咪只有出現喺老人家身上?

Y:盆底肌鬆弛有好多原因,例如:生產、超重或肥胖、長期便秘、經常提取重物、長期咳嗽、年紀老化都會出現盆底肌鬆弛,所以盆底肌鬆弛引致尿滲嘅原因唔係只出現喺老人家身上。

M:如果無及早護理盆底肌,嚴重後果會點?

Y:如果無及早護理盆底肌,女性會出現「壓力性失禁」尿滲問題,當咳嗽、打噴嚏、大笑或提起重物時,尿液便可能出現洩漏,就會好影響日常生活。

相關文章: 【矯正骨盆】骨盆歪斜導致下半身肥腫 必學3個矯正骨盆瑜伽動作!

M:該如何鍛煉盆底肌?或者點預防尿滲問題?

Y:可做盆底肌運動,方法係先仰臥著、坐著或站立著並將雙膝微微分開,集中一起運用3部分嘅盆骨底肌肉,即尿道、陰道和肛門肌肉,慢慢收縮和向上提升這組肌肉,就好似忍尿,就會有一種「向內及向上收緊」嘅感覺,而另一個方法係可以用儀器幫助,例如私密修護椅、收陰儀器等,去刺激盆底肌收縮,可防止盆底肌下墜。亦應減少拎重物,小便及大便都唔好太用力。

 

原來平日唔太留意盆底肌嘅肌肉鬆弛,會引致我哋有尿滲問題,真係要好好注意啦!

你可能也喜歡