【淡斑精華】L’Occitane白皇后日夜淡斑精華筆 一早一晚夾攻斑斑大軍!|iTRIAL美評

【淡斑精華】L’Occitane白皇后日夜淡斑精華筆 一早一晚夾攻斑斑大軍!|iTRIAL美評

L’Occitane向來都有白皇后系列既存在,今季出新產品白皇后日夜淡斑精華筆!睇返之前既白皇后系列L’Occitane將白皇后亮白精華素及白皇后亮白面霜,疑似縮為兩支早晚使用的筆。舊酒新瓶都可以話係大公司一貫的招數,但係! 橋唔怕舊最緊要work!

女人,向來同太陽都唔太老友。曬完又黑又膚色不均又出雀斑,師少Tiff年紀小小就少不更事,游水游到出晒斑斑,大個就更難處理走頑固斑斑。今次就在iTRIAL美評一齊黎試下袪走斑斑~

Text: 師少Tiff的右手 (IG: Cytfany) | Photo: 師少Tiff的左手

L’Occitane Reine Blanche Targeted Spot Care Duo 白皇后日夜淡斑精華筆

L’Occitane新產品—白皇后日夜淡斑精華筆

價錢:$590/1.75ml+14ml

平均價錢:~$100/ml

產品類型:淡班精華

賣點:L’Occitane全新推出的白皇后日夜淡斑精華筆針對色斑減淡,阻截色斑囤積,均勻膚色,使肌膚回復天然光澤。直接塗在色斑位置,全天候重點提亮抗斑。日間配方蘊含繡線菊精華、維他命C及甘草萃取物,有效預防黑色素積聚,提高肌膚天然光采。晚間配方能溫和去除角質,促進細胞更新。

 

L’Occitane白皇后日夜淡斑精華筆實測

白皇后日夜淡斑精華筆,兩支產品各有特色,日用精華筆個頭就用左矽膠頭,係中間壓出淡斑精華使用。矽膠頭的小窿可以有效控制淡斑精華的使用,比一盒盒裝更方便。

但係令我不解既係用矽膠呢個材質,呢個外形設計令我想直接使用係面上推開產品,但矽膠頭材質又唔好推。最後都用返手指的熱力幫助快速吸收。

白皇后日夜淡斑精華筆–日間配方

夜用精華筆包裝用掃頭設計,係尾端輕輕扭兩三下就會壓出淡斑精華。掃上斑斑位置的份量都算均勻,由於係夜用都唔洗咁注重吸收晒,可以在斑斑上輕敷一層薄薄的精華,促進細胞更新,夜晚都可以迅速淡班!!

藍色位置開蓋,銀色位置扭出精華! 少少掃頭濕濕地就可以使用!

清爽度:

5

日間配方係面霜的外表,但比面霜更易推及吸收。(所以話同揀男人一樣,唔好睇外表,佢好有內涵)

日間精華質地易推,但精華筆個頭無法推勻,用手指熱力有助精華快速吸收

夜間配方話就話係透明的精華素,但係非常清爽,完全唔黏笠。

夜間精華透明質地,清透亮薄

吸收度: 5

唔知係咪我既皮膚同我一樣dry,一搽上臉即刻吸收晒!證明容易吸收,唔會有層膜係到唔透氣。

輕輕搽上夜間精華,超快吸收,唔黏膩。
為左上鏡效果落重手左,其實少少搽上色斑位置就可以。

 

香味係吸引香味控既重要環節,每次拎起護膚品又索又聞吸毒咁。如果我聞唔停手,咁你就知個隻一定係正野。

白皇后系列的香味唔出,近聞都會聞到清新的草本味。因為日間配方成份入面蘊含繡線菊精華、維他命C及甘草萃取物,唔係最出既香味,但唔假,收貨!

總評:

4

宏觀兩種新包裝,都係市面上比較難搞既包裝。雖然兩種包裝都有效控制到用量,始終係為淡斑呢d咁細既瑕疵而設。

矽膠頭同掃頭的敗點係清潔問題,容易滋生細菌。所以一般都唔建議直接接觸面部皮膚,可以先係手背壓出淡斑精華再用手指沾上斑斑位置使用。

 

淡斑唔係一筆過既事,效果就唔係到多提。白皇后系列都推左幾年,出得新包裝都證明條formula賣得!

師少Tiff雖然崇尚自然,有斑斑都已經放棄自己,為左大家唯有犧牲一兩粒斑斑俾大家參考~

一個月後會係我IG出返效果圖,大家可以follow我近況睇下轉變,睇定d先買好重要!

你可能也喜歡