張繼聰到底有咩係唔識？完美老公IG大晒老婆女神相
繼上個月情人節張繼聰街頭演唱冧老婆後，昨天白色情人節張繼聰又有最新力作，繼續在IG上大晒閃光彈！張繼聰跟謝安琪去了日本旅行，行程期間當然不少得拍照留念，兩公婆隨即互相拍照起來，想不到張繼聰的拍攝的技術超好，將老婆的美姿輕鬆展現出來，簡直是一位完美老公！
撰文：東方新地｜編輯：Fion Yu｜圖片來源：Instagram
張繼聰謝安琪蜜遊日本
日前，張繼聰跟老婆白色情人節二人世界，去日本睇富士山。雖然暫未見一對可愛仔女，不過就見兩公婆又再次放閃，話說張繼聰除了自己影靚景外，當然唔少得為老婆擔當私家攝影師，為謝安琪在富士山下留倩影啦！
用老公視覺影自己女神老婆當然用最靚角度，相中的謝安琪自然而唔造作的pose獲得不少網民讚賞！不過，張繼聰就留言一段兩公婆的對話：「我：『依個位靚呀，企埋去幫你影張相吖』 ..兩秒影完，張相水準的確好高吓，佢：『真係ok喎咁你埋去，我幫你影吖』..影完……我攞番手機一睇….佢：『點呀？ok嗎？』 我：『好好呀 ! 我好似一個阿叔第一次去旅行咁….』 …之後去其他景點，我冇再影相…..」，只睇段對話都認真好笑！
老婆視覺下的老公
相信大家都好想睇下究竟在老婆視覺下的張繼聰有幾大叔，有相為證，張繼聰亦上載自己老婆為佢影的作品，睇到張繼聰好生硬咁企定定，但成塊面就好暗，成張相的感覺同謝安琪的獨照差好遠，唔怪得網民都不斷留言笑指：「係人問題，造型同pose的關係」、「唔係呀！你嗰張影得幾靚呀！影後邊座山」、「我笑咗出嚟」、「完全明白你心情」等等。
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
