一個人去旅行

網誌


上半年不斷外遊,下半年自然要修心養性乖乖留港消費,可是近日心情欠佳心緒不寧,竟然有一走了之的念頭--三四日的旅程,一個人完全不聽電話不上網,不用計劃行程,瞓醒想去邊就去邊,讓身還有心得到真正的休息。
對於我,要揀一個適合我一個人旅行的短線地點,並不容易,本人最愛的日本,本來應是首選,可是現在日元匯率實在太高,而且去到日本怎有不購物之理,可是瘋狂shopping便破壞此行的目的,唯有另覓沒有shopping的地方。而韓國、Bangkok等,都因有得shopping,而不在考慮之列,一定不會去菲律賓,我最怕沙巴、峇里等的海天一色,因為那些又大又靚的villa之內,最多出現的便是四腳蛇,我是超級怕所有爬蟲類的;Singapore的消費太高,而且現在開了賭場,人流甚多,太過熱鬧;更怕一個人到中國大陸旅行,就算海南島也有點怕。

台灣算是最可以考慮的了,雖然是有得shop,但應該不合我買,語言文字溝通絕對沒有問題,而且消費相宜。布吉也不錯,找間最新最豪的Resort,每日食完就瞓,然後做Spa,hea住過幾日。
要是真的去台灣,首選必住日月潭的涵碧樓,以其質素而言,NT$15,500一晚也絕對不貴。


於布吉最新開業的The Westin Siray Bay Resort & Spa,遠離布吉市中心,由於新開業優惠,每晚只需約5,000泰銖,可謂超值。
不過要擠出三四日時間才是最難,平日要接送囝囝上學,星期六日更由我接送返補習班,他一星期七日的安排,只有我一個最清楚,那幾天要返英文班、那天甚麼時間到哪裡上phonics、溜冰課的準備要點等等,很難一一交帶,想來想去,也不放心,也就打消了這個任性的想法。
其實,結了婚生了孩子,就不可以再任性了。

你可能也喜歡

There are 3 comments

Add yours
  1. Pen

    哈哈,我經常都會好似你咁諗,可以一個人去個 Short trip 就好啦
    (以前有做嘢嗰陣,一年出N次TRIP,去得最多就係日本,依家有時都會掛住嗰D日子)

    可惜係我放唔低阿仔 (佢仲未返學),同埋佢去旅行又唔安全又辛苦 (尤其係搭飛機,今年都搭咗3次,真係好怕)

    不過如果比我去,我都係會去日本比較偏遠的温泉區(如有馬,雲仙,鬼奴川)。尤其係依家,秋天去,睇紅葉,加埋係約10度浸温泉,食埋温泉旅館的特備的shabu shabu, 就係人生最嘆

  2. Peggy

    hahahaha~有左小朋友更加唔可以一走了之~都係想下好喇~

    以前成日笑人『仔阿仔、命阿命』 做左人mama先知~原來個個mama都係有lee個心態~

  3. michellelau

    Pen,
    咁我同你一樣,以前試過不停出trip,我又唔鍾意,依家耐冇去,就好恨去下,你講到日本咁正,攪到我都好想去,但係真係想下就好。

    Peggy,
    係呀,有時睇少一日通告都唔得呀,所以生咗小朋友真係無得話行就行。


Comments are closed.

Recommended