保濕乳霜 Kiehl's Ultra Facial Cream

【保濕乳霜】實測 Kiehl’s Ultra Facial Cream!放入冰水凍僵咗依然咁保濕?顛覆對Kiehl’s的印象!| iTRIAL美評

護膚保養

有留意開護膚品嘅你應該對Kiehl’s的皇牌 Ultra Facial Cream 特效保濕乳霜不陌生!!今年2019年仲新出左升級版本,提升了保濕功效,聲稱去極地都用得!

原本我收到的時侯都半信半疑,因為用過同牌子產品不算太突出,而且容易敏感同生暗瘡嘅我對上臉的產品十分謹慎,但用完這個竟令我對Kiehl’s的印象完全顛覆?!今次就等我哋iTRIAL美評試下佢掂唔掂!

Text: 吃了誠實豆沙包的吉吉Gutgut(IG: katiekwongxx)|Editor: TIffany Ng |Photo:吉吉 & Sing Ho

價錢:$300/50ml ; $530/125ml
平均價錢:$4-6/ml
產品類型:Ultra Facial Cream 特效保濕乳霜

賣點:質感輕柔不黏膩,從空氣中吸取水分為肌膚24小時源源補水,於極端乾燥環境仍能保持水潤度高達2.3倍。配方不含酒精及羥苯甲酸酯防腐劑 (Parabens)、胺甲醯胺 (Carbamides) 及三乙醇胺致敏成份,敏感膚質亦可安心使用。

 

Kiehl’s Ultra Facial Cream 特效保濕乳霜實測

質地:

質地滋潤易推,約15秒可完全吸收,吸收後不黏笠,但感覺有一層薄薄的保護膜令皮膚保持滋潤。

保濕度:3.5分

 

上臉感覺舒服,皮膚變得柔軟。保濕度即時提高10%,保濕度中等。油分也減少了21%,保濕之餘不會太黏笠導致出油,效果不錯。

 

因為我平時懶搽handcream的關係,手部乾紋都幾嚴重。塗完後乾紋減淡了一點,驚喜係變得有光澤!!

鎖水度:5分

由於我想試下佢係咪可以好似廣告咁,承受到冰山極地嘅極端乾燥天氣,所以今次我無懼嚴寒,親手送我隻手去可怕的冰塊之中,睇下佢可唔可以保護好我隻乾手!

經過五分鐘自虐,我隻手已經凍僵仲紅哂!但神奇嘅係竟然水份同油份都只係減左1%,隻手仲無變得更乾,睇嚟佢承受極端環境嘅能力不錯!坐飛機、去旅行必備!

總評:4.5分

用左幾日,感敏皮膚嘅我表示滿意!保濕之餘仲可以令我嘅皮膚變得穩定,無生粒粒或暗瘡,不油不黏笠!面霜日日用,真係要揀隻唔會致敏,無防腐劑的先放心〜不過佢唯一缺點係再乾燥時可能會不夠潤,加埋保濕精華用就完美!希望大家覺得呢個分享有用,下次再見〜〜

有沒有價廉物美的面部保濕產品推介?

保濕產品有多個種類,在眼霜方面,消委會3款高分眼霜推薦,當中百元眼霜媲美千元品牌!保濕面膜方面,比較了10款面膜,貼服度極高,有效急救轉季泛紅問題;保濕面霜方面,比較了10好用平價保濕面霜,冬天、夏天轉季都啱用。不過使用前,需先拍上爽膚水,提升肌底吸收力令後續護膚品更能發揮功效。

有什麼產品可以加強手部及身體保濕?

如果是針對手部,可以參考美編實測結果,看看8大好用護手霜;如果是針對身體,可以試用10款平價好用身體乳液。想要更高效的滋潤效果,則可選以吸收力極高的8大潤膚膏

你可能也喜歡

Recommended