楊秀惠

《大帥哥》大結局 楊秀惠發長文剖白「艾妞」心聲

娛樂資訊

張衛健回巢之作《大帥哥》引起了一股追劇潮,劇中除了張衛健演技受到觀眾讚賞外,同劇演員如:楊秀惠﹑洪永城、譚凱琪……等亦人氣急升。今晚大結局,在劇中飾演大帥姨太「艾妞」的楊秀惠,就在社交網站發帖剖白心聲。楊秀惠除了感謝大家喜歡艾妞一角外,更自爆當初很擔心而且抗拒此角色,大家一於看看原因!

撰文:venus.y |圖片:instagram

曾抗拒角色!楊秀惠發長文剖白「艾妞」心聲

楊秀惠發帖內容如下:

聽晚「大帥哥 」就大結局了。
好多謝大家對大帥哥的支持, 亦感激大家能夠接納艾妞並且鍾意佢。

實不相瞞,一開始接到艾妞呢個角色時,我有啲擔心甚至乎係抗拒。
因為「 #艾妞 」喺劇集中前半段嘅角色設定,係一個風騷、貪錢、同不斷為錢而去討好男人嘅人,試問一下,有邊個會鍾意呢種人啊。

人人都想自己出身高貴,唔使睇人面色做人,唔使哀求人,唔使時刻擔心會流離失所,可以永遠過住豐衣足食嘅生活啊。可惜,生活係現實嘅,為咗適應環境同生存落去,佢需要帶住虛偽嘅面具,對住人笑,只想賺多啲錢令自己有安全感,因為呢個世界冇人會保護佢為佢著想。

如此真實的社會寫照。

當佢終於遇到對自己真心真意嘅人,可以唔使再虛偽,可以真實坦誠去面對呢個人嘅時候,上天卻選擇帶走咗佢。或者人生根本就係一場充滿歡樂悲傷艱難同崎嶇嘅旅程吧。

佢會喊,佢會覺得傷心。
但最後佢選擇帶住微笑,堅強哋去繼續所有挑戰, 因為地球唔會因為悲傷而停止轉動,太陽照常會升起,日子一樣要過,雖然傷痛依舊存在。好認同佢嘅一句,喺邊度跌,就喺邊度企返身

拍完呢套劇之後,我成日都喺度諗,人生唔似劇集,30集就完結。又有幾多人會真係用時間同心思去慢慢了解同認識另一個人呢?

經歷咗半年「艾妞」嘅人生,我發現用「有頭髮邊個想做癩痢」呢句說話來形容艾妞嘅人生非常貼切嘅。「 Don’t judge a book by it’s cover」唔好單憑外表去判斷一個人的全部。可能呢個就係「艾妞」會選擇唔理會其他人嘅評價,想笑就笑,想喊就喊,不願束縛自己情緒,只為珍惜自己嘅人而付出嘅原因吧。

今次,我盡了百分之二百的努力去飾演「艾妞」,因為演員永遠都係度等個機會, 等一個唔知幾時先會嚟到嘅機會, 等待一個被接納、被認同嘅機會,等一個下次唔知會否再出現的機會。

一切如過眼雲煙,喺曲終人散之後一切將恢復平靜,
學習「艾妞」繼續微笑住堅強地迎接人生嘅!

回看楊秀惠演技大爆發:喊戲獲網民大讚!

入行了14年,楊秀惠終於獲得觀眾的認同。楊秀惠在接這個妖艷歌星艾妞一角之前曾經猶疑過,因為跟她以前飾演的風騷角色差不多。她也很感激張衛健在拍戲的時候幫了她很多,在第7集哭戲他還幫她重新編過所有對白,變得更加人性化,讓她更加入戲。

在第7集中就說到羅義要保護艾妞回大帥府,而艾妞因為想和真大帥一起而拒絕,但是原來大陸已經另有佳人,忘記了艾妞,羅義為了救艾妞而中刀受傷。

 

艾妞覺得羅義受傷都是因為自己,所以感到非常內疚,認為自己就是紅顏禍水。

楊秀惠在車裡面大哭到妝都花了,連觀眾看了都感到她的驚慌和害怕,回到大帥府向大帥哥懺悔,還覺得自己不乾淨,哭戲更進一步,網民都大讚楊秀惠演技大爆發,比以前進步了很多。

 

從以前在《四葉草》時紅不起的角色到慢慢做一些配角,現在終於讓觀眾見到她的演技,相信她也付出了很大的努力,而且楊秀慧外表也變得愈來愈漂亮,期待看到未來更多她的好戲。

延伸閱讀:

《大帥哥》最受歡迎女奸角譚凱琪憑演技再度爆紅! 慘死讓觀眾高呼:「還我天嬌」


有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended