【iTRIAL美評】KOSE長踞榜首既透明質酸保濕鎖水面膜，係咪真係咁保濕?
我一路都好鐘意用日本嘅美容產品，因為佢地多數都係溫和弱酸性配方，無色素、無香料、無礦物油成分，好適合我呢D 混合敏感性嘅皮膚。今次試用呢款係長踞榜首既「KOSÉ COSMEPORT Clear Turn White 透明質酸保濕鎖水面膜」，睇下佢係咪真係如佢所講咁保濕! 今日天氣特別乾，最啱做測試~
Text and Photo: Jacob媽媽 (IG: cjoycec)
價錢：$59/5片 (一盒)
平均價錢：$11.8/片
產品類型：面膜
賣點：含有高濃度玻尿酸，薀含海洋性骨膠原精華液與12種植物的提取精華，能夠潤澤肌膚，解決細紋乾荒，亦可以迅速滲透皮膚底層，深層修護乾涸嘅肌膚。同時含有透明質酸，可以幫乾燥皮膚補充水份。
KOSÉ COSMEPORT Clear Turn White 透明質酸保濕鎖水面膜 實測
一． 質地及貼面度
貼面度:
佢係用棉籽絨做面膜紙，摸落好柔軟但又唔會容易撕爛，而且呢隻質地低刺激性。敷上去幾乎完全貼服，超舒服。除此之外，佢個設計好岩亞洲人，之前用過某D 面膜會對唔啱眼鼻口位，搞到塊面膜皺曬一舊舊。呢款面膜剪裁可能以日本人為設計對象，Perfect 地貼我面形。
二． 滲透度
滲透度:
佢一包都有好多美容液剩低，我拎出黎搽曬上面。隔左10分鐘左右，到我拎走面膜時，幾乎無美容液剩係面，都滲曬落皮膚。用水沖一沖塊面時摸到塊面好水潤、好漲卜卜!! 同敷上面之前果種乾感完全唔同~
三．保濕度
保濕度:
今日天氣都幾乾，我敷mask前，皮膚含水量得25% ，的確非常乾。到我敷完之後爆升到60%!!!!!!!!
數字上同我頭先洗面時個觸感好吻合~
輕輕沖洗完上妝，嘩! 完全無諗過今日咁嘅天氣可以上粉咁貼服! 上面張相我無落filter同美肌，可以見到除咗額頭同鼻頭唔夠遮瑕之外，我兩邊面頰嘅粉底超貼服~
總評: 4.5分
因為佢整體都係比較清爽，所以夜晚用我會略嫌唔夠潤。但以佢個價錢黎講，絕對係平靚正，好啱朝早上妝之前用。係做到產品所聲稱嘅保濕鎖水功效嘅!!
有甚麼好用面膜推介？
在琳瑯滿目的面膜中，選擇成分安全的面膜非常重要，即睇：8大保濕面膜推薦／消委會19款安全面膜清單。除了紙面膜，深層清潔泥膜推薦有效幫面部皮膚深層清潔，可去除肌底的污垢、黑頭、粉刺等。如果想用成份天然的面膜，不妨跟女星們學習自製天然面膜教學！
正確的敷面膜方法是？
保濕面膜愈敷愈乾？可以試試懶人「三日濕敷法」。另外不少女生都抱著不想浪費保濕面膜中的精華液的心態，以為敷得愈久肌膚就能吸收愈多水份，這樣就正中保濕陷阱，想確保面膜用到盡就要學10大敷面膜步驟回本攻略！
