Clarins凝亮護唇油

【iTRIAL美評】唇膜級超水潤唇膏!? Clarins凝亮護唇油

護膚保養

噢!聖誕節托它歸家~今年聖誕節我托咗Clarins凝亮護唇油 #09閃爍紅莓色返屋企。閃閃的唇油,聖誕真係非它莫屬。為了各位未試過用護唇油的你,今次會一齊試下Clarins王牌的架勢之處!

Text: 師奶少女Tiff (IG: Cytfany/c9girl_tiff) | Video: Killy Sung| Video Editor: BonG

 

 

Clarins Instant Light Lip Comfort Oil 凝亮護唇油

價錢: $220/7ml

平均價錢: $31.4/ml

產品類型: 護唇產品

賣點: Clarins凝亮護唇油一直沿用經典天然配方——榛子油及有機荷荷巴油萃取,以超水潤及撫平唇紋的能力成為王牌產品。繼#03紅莓色護唇油,因其上色度及濃濃紅莓香味成為用家們的至愛,今個聖誕CLARINS將紅莓色加入閃金光感珍珠粒子,進一步增加唇妝的立體感,更添節日氣息。

 

ClarinsInstant Light Lip Comfort Oil 凝亮護唇油實測

 

粗大柔軟掃頭

永遠都好少用家會以掃頭為吸引之處。相信我,用過CLARINS護唇油的掃頭,係返唔到轉頭架!掃頭大,可以一次過拎足夠搽嘴的份量。軟硬適中的掃頭,使用時感覺到掃頭的毛十分柔軟,慢慢按摩嘴唇絕對係一大享受。可以按摩嘴唇的唇膏真心第一次試,依家成就解鎖!

 

質地

其實護唇油使用的時候有油膩的感覺都正常。剛剛搽就會覺得厚同黏。再用筆頭在嘴唇上打圈按摩,因為佢成分天然,輕輕按摩可以加速吸收,油份都會慢慢變薄。

小驚喜—金光閃粉

幼細嘅閃粉為唇妝增加賣點。由於幼閃粉的存在感低,但係立體感高,去派對得,出街都得!

 

 

 

上色度: 5

本身Clarins閃爍紅莓係王牌熱門顏色#03紅莓的變奏版。紅莓色一搽上嘴就見到,令到乾如沙漠般的嘴唇,滋潤起嚟仲有血色,急救必備。

滋潤度

5

唇紋消失,乾出嚟的嘴皮都收埋。即使食飯甩咗少少,但保濕度依然存在,唔會一甩就乾番晒,感覺到Clarins護理油嘅神效。

 

總評: 4.5

我覺得Clarins凝亮護唇油可以話係萬能的選擇。想護唇,有!想有血色,有!要立體感,有!仲可以按摩,全天然成分植物油。一支有潤唇成分的唇膏嚟講佢已經超晒班。唯獨是黏稠感係滋潤性強產品無法避免的,自行斟酌囉~

 

你可能也喜歡

Recommended