正能量

你的正能量,或許是別人的負能量

網誌

正能量當然是好,但是正能量也可以變成很自私的理由。

有些人以為自己活得很正能量很好呀,

但其實佢不知道自己一直是消費緊別人的感受,他們的光只為自己而照亮,卻關了別人的燈。

 

 

早陣子一位朋友有少少情緒疑惑, 同佢傾計時佢講左句:“我睇過D 文章話﹣盡量要離開D負能量既人,接觸多D 正能量既人…..但我呢D 負負地既人,咪無朋友會幫我囉?”

聽來帶點無奈又心噏…

係,你可以話無人需要負擔別人的情緒既,

但朋友之間不是要互相扶持嗎?

 

一個人不可能永遠生活順利,永遠hyper hyper吧……

那是不是當佢在人生出現困境時,佢負能量了,

你就因為怕負能量而離開佢呢?

而你,又確保一世不用朋友情感上的支持嗎?

我想起了一位朋友告訴我的故事﹣﹣
朋友A+B是相識十幾年的好友,曾經以為大家的友誼可以直到永遠……

因為一直都無風無浪直到朋友A跌落谷底,負能量到不行,雖然朋友B並不是正能量使者,但佢在那時候從沒離棄過朋友A,不要說幫忙什麼(朋友之間不必說什麼幫不幫,而是甘心樂意去付出,去關顧),就是感情上的支持也不缺。

 

後來朋友A生活開始變好了, 人生重回軌道了…..當然是萬幸!此時,朋友A突然間醒唔要成為一個滿滿正能量嘅人,從此開口埋口都能量,能量,能量…..

並且開始抗拒同負能量嘅人一齊,即使話題都抗拒….

有好幾次,朋友B找朋友A傾心事,可是卻強烈地感受到被抗拒,

安慰的說話更不必說了.朋友B開始發現,朋友A已經不能再分享她的生活和感受,因為每次自己的情緒都被漠視,
開始的時候,朋友B會檢討自己,是不是自己真的太負呢?

是不是自己不應有唔開心的情緒呢?可是她又回想……..朋友A 落難時,

自己不也沒有嫌棄過嗎?為什麼現在反被嫌棄了呢?朋友B心中的不快就開始累積了….

 

直到有一次朋友B 需要朋友A的幫手不果,朋友B情緒崩潰了!!

那件是什麼事情也不緊要,因為那只是一個點….

結果朋友A 覺得自己正能量無問題,只是朋友B 負…..

而朋友B 覺得朋友A 對自己不公平,感受從不被尊重,

覺得朋友A 只能別人跟佢共患難,從此兩人就在對方的人生消失了。

故事沒有對與錯,一切都不過日觀點與角度,

大家覺得開心就是了,反正其實每個人都應該選擇好好過好自己人生的路。

朋友A 選擇正能量無問題,

朋友B希望朋友之間互相重視也合常理。

 

在這裡,我想講的只是﹣﹣
正能量一定唔會係壞事,但朋友之間不必用“能量”去衡量值唔值得當朋友。

就算一個100%正能量嘅人,人生總有高低起伏,

總有唔滿能量嘅時候吧?

唔夠能量嘅時候,係咪需要希望人哋扶持/聆聽?要差差電呢?

正能量唔係淨係發放喺自己嘅世界裏面,真正嘅正能量係,

你能夠將你嘅光照到其他人嘅身上;
或者……..你散發出嚟表面上,可能是正能量,但係其實真正帶比人的是負能量!

你正就算了,別去關了別人的燈吧。

如果你恐懼別人的負能量,你恐懼參與別人的生活…….

那其實你嘅正能量只係想照顧你自己,你只係希望你嘅世界只有美好嘅,

你只滿足自己的需求,在乎自己的感受……

 

既然你選擇離開人哋嘅世界,

就別怪別人要離開你嘅世界。

 

(以上內容僅為個人觀點與角度,不喜勿插)

 

 

你可能也喜歡

Recommended