湯洛雯-倪晨曦-湯樂瑤

湯洛雯 倪晨曦各有索爆妹妹 同家姐一樣搶鏡!

娛樂資訊

湯洛雯倪晨曦(Elva)兩大女神同樣有樣有身材,而且多年來被指撞樣,之前佢哋愚人節喺IG整蠱大家,唔講仲以為佢哋係孖生姊妹。現實中靚湯有個索妹妹湯樂瑤(Cassandre),靚女又性感誘人,近日喺網絡上人氣急升!原來Elva同樣有個親妹妹倪晨曄(Jennifer),而且同家姐一樣咁靚,所以話基因真係好重要…

撰文:東方新地
圖片:IGroxannetongcassandretongmisselvani微博 倪晨曄Jennifer

湯洛雯 倪晨曦大整蠱

上個月4月1日愚人節時,倪晨曦及湯洛雯分別喺自己IG上載單人照,仲留言話自己唔同咗樣之類,不過心水清的網民就知佢哋係開緊玩笑!不過老老實實,Elva同靚湯束同一個髮型,件露肩裝款式相近,同一個回眸一笑甫士,小編都諗咗… 兩秒!

話說Elva同靚湯其實早年初入行做model時已經認識,當時已經有人話佢哋似樣,而佢哋兩位本人都認同,所以就襯愚人節夾好個妝同衣著影相,同大家開個玩笑!

靚湯妹Cassandre 性感過家姐

湯洛雯有名你叫「靚湯」,出眾靚樣無庸置疑,直至早前靚湯上載一張同妹妹湯樂瑤(Cassandre) 的合照,大家先驚覺原來靚湯妹都咁高質!而且Cassandre身材豐滿,喜歡以性感打扮示人,不時喺社交網大晒「胸器」,睇到抖唔到氣!

湯氏姊妹馬代鬥靚

馬爾代夫 輕晒事業線

湯洛雯之前出席大台《五月星辰》活動時,就話會花十萬數請父母同妹妹去馬爾代夫旅行兼慶祝,佢就話雖然有啲肉赤,但完成媽咪嘅心願都好值得,認真係好乖女呢!而連日嚟靚湯同妹妹都有喺IG晒出唔少靚相同多段短片,靚湯晒咗一段浸喺泳池中嘅短片,見佢以一身黑色泳裝上陣,雖然畀泳池邊遮咗大半個身,不過依然見到佢輕晒事業線,認真煞食!

靚湯嘅細妹湯樂瑤(Cassandre)亦都晒多段即時短片,見佢以一身綠色嘅tube dress上陣,大晒鎖骨線條,雖然都算性感,不過畀起家姐嘅泳裝照就似乎輸蝕咗啲啦!

Cassandre之後又大曬火辣身材,自拍三點式泳裝。

💦💦💦

A post shared by Cass 湯樂瑤 (@cassandretong) on

有著如此好天氣同靚景,妹妹Cassandre當然不停晒靚相,「胸」贏家姐!

不過家姐湯洛雯紥起兩條辮仔夠晒清純,加上招牌甜美笑容,小編都撐家姐多啲啦!

倪晨曦孖生妹妹Jennifer

湯洛雯有個索妹妹,原來倪晨曦同樣有個親妹妹,仲要一樣咁靚女!昨日係母親節,倪晨曦上載同孖生妹妹倪晨曄(Jennifer)與媽媽的合照,兩姊妹一左一右錫錫媽咪臉珠,幸福滿溢!

曾奪華姐魅力大獎

倪晨曦2005年時參加多倫多華裔小姐並奪冠,原來妹妹Jennifer同樣參加過「2007年多倫多華裔小姐」競選,並奪得「魅力傳城大獎」,靚樣無庸置疑!Jennifer同家姐眼睛及面形都頗相似,笑起上嚟甜美動人,不比家姐遜色!

 

另外,Jennifer同倪晨曦一樣身材修長窈窕,打扮青春可人!

姊妹情深

由兩人的社交網站可見,Elva同Jennifer兩姊妹感情確實十分好,經常有甜蜜互動,睇見都sweet!

倪晨曦係個瑜珈達人,原來Jennifer同樣愛做運動,兩姊妹經常孖住去keep fit!

女神一家好幸福

雖然Jennifer條件非常好,不過男士們都係唔好FF太多,覺得佢會入娛樂圈或者有機會追到女神,因為Jennifer 2015年已經與一位外籍人士喺夏威夷結婚,現時育有兩個可愛混血女兒。睇嚟Elva同男朋友都要努力啲,追貼妹妹的進度!

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended