日本的士不怕貴！九州福岡免費的士服務
打工仔去旅行需要有技巧，要夾盡天時地利人和才可以出走，為了爭取時間玩多幾個鐘，不少人會選擇搭夜機前往目的地旅遊。但有時去已經是凌晨時分，甚麼車都沒有，只好乘搭的士……而在日本乘搭的士起錶價已經很貴，坐多100米路程都心痛。明年3月起福音到了，九州福岡免費的士服務開始！
撰文：Carmen｜圖片來源：nommoc press release|編輯：venusos ｜原文：gotrip
九州福岡免費的士服務
15歲起開始創業嘅最年輕社長：吉田拓已（今年22歲），宣布喺2019年3月開始，將開展日本首例嘅免費乘車服務。使用者可透過專屬手機app「call車」，車內設有顯示屏，展示店舖或商品等情報。作為「行走的廣告塔」，車費（運行成本）將會由廣告商支付，使用者可享受免費乘車服務。
提供服務嘅新公司「nommoc」，隸屬年輕社長吉田拓已所創立嘅，負責大型活動影像演出嘅公司7sense。新公司將透過由日本cloud capital營運嘅，提供股票投資型眾籌服務（crowdfunding service）嘅FUNDINNO，以目標金額5,000萬円開展服務，本月12日起接受申請。
免費乘車服務由公司同名「nommoc」營運，以福岡市最繁榮嘅地點，天神為中心試行服務，試行期間約提供10輛車輛。目標於開辦東京奧運會嘅2020年，推行到東京等主要城市。亦有推行到海外地方，如新加坡等地嘅計劃。
具體使用方法同Uber類同，透過專屬手機app進行車輛配對。由於使用者嘅資料會經由app傳送到終端，所以使用者喺搭車時，車內嘅廣告顯示屏會播放使用者感興趣嘅資訊，如潮流品牌或午餐推介等。
據該公司所講，將來業務發展希望活用AI技術，分析使用者嘅行動模式，學習其興趣嗜好，提高顧客與企業嘅配對準確度。
詳細資料：
nommoc官方網頁：http://nommoc.jp/en/
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
