甲上搞花臣 滿足小人美甲夢

😎

小人美甲start！

話說買咗MoYou London 呢set指甲套裝都有成個月有多，不過只玩過一次，基本上第一次係失敗經驗，份量唔識控制，加上玩到一半發現洗甲水用完

😓，最後只成功印到一隻指甲就局住收檔。

今日開檀再玩美甲，雖然仍然未說得上熟手，但已經好有成功感，至少「客人」表示滿意，懷住十指美甲進入夢香💤，總括心得：

💅🏻唔好以為小朋友指甲片面積細就揀細圖案壓花板，反而我覺得圖案越細越難對位，最理想係揀pattern 款，求其印都有嘢睇✌🏼，絕無欺場。

💅🏻指甲底色同印花顏色一定要係強烈對比色，個人認為印花最百搭係白色，不過我買時剛好缺貨。所以我只好揀灰白色。

💅🏻甲油塗壓花板時不妨搽厚啲，就算刮走多餘的甲油後，都唔使擔心顏色唔均勻，因為甲油厚啲印上指甲後圖案才能完整現形。

💅🏻唔好慳，一定要買全個透明的印仔。我就係因為一心以為購買入門套裝，本身已經送一個印仔（不透明的），於是就無另外加錢買透明印仔。結果大部份時候都係靠估，或者印咗出嚟先知印花係點。😅

💅🏻呢個小玩意亦好適合整咗Gel甲的女士玩，因為印錯咗抹走個面即可。對比妹子的甲油底色就麻煩十倍，幻想一下如果甲花印得唔靚或唔完整，想抹走就要連底色連根拔。從頭做起，很氣餒啊！

💅🏻記得搽Top Coat！小朋友都要做足全套服務，甲油甲花都可以stay longer✌🏼。

🎀

🎀🎀
MoYou London

官方網址

👉🏼👉🏼：https://moyou.co.uk
香港Facebook

👉🏼👉🏼：https://m.facebook.com/moyoulondonhk
想睇教學

👉🏼👉🏼：https://www.youtube.com/channel/UCsVCG2VC7gx22MWfx9x2stQ
邊度買

👉🏼👉🏼https://reelcosmetics.com/pages/store-locations