羅仲謙為追楊怡曾跳海求愛 終公佈懷孕喜訊! 分享5大愛妻、夫妻相處之道:「缺點要收埋」

羅仲謙為追楊怡曾跳海求愛 終公佈懷孕喜訊! 分享5大愛妻、夫妻相處之道:「缺點要收埋」

羅仲謙與太太楊怡結婚4年,相愛至今8年仍然非常恩愛日前終於宣佈有BB的喜訊!兩人拍拖、結婚到現在已經歷八年時間,他說兩人之間沒可能沒有拗撬,但現在他覺得兩公婆相敬如賓好緊要:「可能大家因為恃住感情耐咗,有啲嘢會放縱咗,譬如你追佢嘅時候,會將自己嘅缺點收埋、優點放大,但點解結婚之後唔得呢?」

編輯:venus.y、Cyan|資料來源:東方新地| 圖片來源:新傳媒圖片庫、TVB《娛樂大家》截圖

羅仲謙楊怡公佈懷孕喜訊

羅仲謙和楊怡日前在社交平台分享成為準爸爸媽媽的喜訊,楊怡寫道:

「我們的緣份從劇集開始
由同事變朋友
由朋友變情侶
由情侶變伴侶
從今以後……..
我們多了一個身份😍😍
感恩上天送給我們一份珍貴的禮物👶🏻👶🏻
我們之間將會加入一顆小小電燈💡,寶貝❤️願你在未來的日子裡時刻照亮我們的生命,願我們在未來的日子裡幸福快樂⋯⋯謝謝你選擇了我們❤We love you❤我們一家👩‍❤‍👨🐶🐶期待你的來臨 🐭🐭@lawhimmm

P.S. 謙爸B知道後,第一個反應竟然係「你唔好亂咁噏吖,你問清楚醫生未?」」

真的恭喜恭喜呀!

羅仲謙為追楊怡曾跳海求愛!談夫妻相處之道:「缺點要收埋」

羅仲謙為追楊怡曾跳海求愛!談夫妻相處之道:「缺點要收埋」

羅仲謙為追楊怡跳海求愛

羅仲謙早前上節目《娛樂大家》「真假話題」環節說起當年追求楊怡的經過,他指當時與楊怡在海灘散步,突然楊怡說笑般表示如果羅仲謙跳落海兼可以游到浮台,就答應成為他的女朋友。羅仲謙非常認真,為博紅顏一笑,立刻在寒冬裡跳下海,游到浮台後更甜蜜示愛,問楊怡:「可唔可以做我女朋友?」可是當時楊怡沒有答應羅仲謙的追求,在場藝人大感可惜,幸好最後羅仲謙還是成功打動楊怡的芳心,兩人直到現在都十分甜蜜!

羅仲謙,楊怡,夫妻相處之道,TVB,娛樂大家
羅仲謙為追楊怡跳海求愛
羅仲謙,楊怡,夫妻相處之道,TVB,娛樂大家
羅仲謙在上一集的《娛樂大家》「真假話題」環節說起當年追求楊怡的經過
羅仲謙,楊怡,夫妻相處之道,TVB,娛樂大家
游到浮台後更甜蜜示愛,問楊怡:「可唔可以做我女朋友?」
羅仲謙,楊怡,夫妻相處之道,TVB,娛樂大家
可是當時楊怡沒有答應羅仲謙的追求,在場藝人大感可惜
羅仲謙,楊怡,夫妻相處之道,TVB,娛樂大家
幸好最後羅仲謙還是成功打動楊怡的芳心,兩人直到現在都十分甜蜜!

羅仲謙談5大愛妻、夫妻相處之道:缺點要收埋

1.社交平台只follow她一個

相信有follow羅仲謙的都會發現,結婚至今,他的社交平台只有follow太太楊怡一個,專情的他絕對是好男人典範。

羅仲謙為追楊怡曾跳海求愛!談夫妻相處之道:「缺點要收埋」

2.羅仲謙一放假即撲返港陪太太

羅仲謙近兩年在內地拍戲,成日要兩地飛,問到他們有多少時間見面?羅仲謙話:「依家我會覺得我嘅休息時間係唔重要,我喺大陸拍戲,今日唔知聽日事,未必知聽日係返工定放假,好多時我一知道放假,就即刻訂機票,未天光我已經返到香港,十二點派通告話連放三日,我五點已經返到香港,哈哈!幾趕呀!老婆未瞓醒,擘大眼已經見到我。」

羅仲謙,楊怡,夫妻相處之道,TVB,娛樂大家
羅仲謙跟老婆楊怡經常因工作分隔兩地,孖住出活動,可以寓工作於見面。
羅仲謙,楊怡,夫妻相處之道,TVB,娛樂大家
2016年羅仲謙和楊怡結婚時選擇公開,佢直言:「依家嘅網絡世界係瞞唔住,甚至我哋去英國影結婚相時都撞到好多香港人,不如大方承認。」

3.家庭工作兩邊平衡

羅仲謙表示佢一放假就直接回香港,因為不想錯過任何事情:「我追求工作、有鬥心,想賺更多嘅錢,得到更多嘅機會,但同樣我同自己講,唔可以用有限嘅嘢去追無限嘅嘢,咁唔代表我冇鬥心,只不過我係隨緣、平衡。我又可以開到工,又可以照顧到屋企人,係自己嘅時間冇咗啫,我覺得冇辦法啦,要顧兩邊平衡,就要犧牲呢啲嘢。」

羅仲謙,楊怡,夫妻相處之道,TVB,娛樂大家
結婚周年適逢老婆楊怡在布拉格拍《再創世紀》,於是在彼邦旅遊兼慶祝,羅仲謙笑言:「我哋喺布拉格嘅古跡查理大橋下面一間好靚嘅西餐廳,望住好靚嘅河景加建築物食飯,但有挑戰,唔知下年要去邊度嘞!哈哈!」
羅仲謙,楊怡,夫妻相處之道,TVB,娛樂大家
絕對係「愛妻號」的羅仲謙,知老婆鍾意熱鬧,同奶奶又相處融洽,早前到澳洲的造人兼再度蜜月之旅,就帶齊一屋女人包括岳母丶媽咪同家姐去旅行。

4. 互相理解主動認錯

問到楊怡是甚麼類型的太太?會不會做家務、煮飯?羅仲謙就笑言:「佢會做家務、煮飯,同埋唔係大家表面睇到咁硬淨、咁強,佢係一個好照料我身體嘅太太,成日擔心我食唔好,食得多唔好嘅油,我又鍾意飲汽水,佢就迫我戒汽水,哈哈哈哈!凍又驚我唔著衫,因為我喺圍村大,凍慣,大家成長環境好唔同,我同佢都係處女座,所以大家性格相似嘅時候,我明白佢嘅出發點,好多不必要嘅爭拗就可以避免。」每當吵架時,不管誰對誰錯,羅仲謙都會先主動示好,毫不猶豫向老婆楊怡認錯

羅仲謙
由以往谷胸肌到現時轉操手臂至操出麒麟臂,羅仲謙話:「其實我放縱咗一排,我八月前係好瘦削、好薄,我老婆頂我唔順話:『我識你嗰時你好大隻,你的起心肝去做番gym啦!』但我一做就好瘋狂,老婆拍完劇喺屋企成個晏晝都見唔到我,因為我又做緊Gym,佢都話依家有少少後悔!」
羅仲謙
羅仲謙指太太楊怡好照顧佢身體,成日擔心佢會食得唔好,或者著唔夠衫。

5.缺點收埋優點放大

羅仲謙指兩公婆拍拖同結婚都八年,沒可能沒有拗撬:「但我覺得情侶之間嗌交永遠都係芝麻綠豆事引起,依家我會學識冷靜吓,我睇吓報紙,佢上吓網購物,就唔記得咗。唔好畀件事發酵,我幾鍾意中國人有句說話──相敬如賓,兩公婆無論幾多年感情都好,我覺得相敬如賓好緊要,可能大家因為恃住感情耐咗,有啲嘢放縱咗,譬如你追佢嘅時候,會將自己嘅缺點收埋、放大優點,但點解結婚之後唔得呢?」

羅仲謙
羅仲謙指兩公婆無論有幾多年感情都好,相敬如賓都好緊要。
羅仲謙
羅仲謙指佢同楊怡嘅夫妻相處之道,就係將自己嘅缺點收埋、優點放大。

你可能也喜歡