黃子華

【黃子華2018棟篤笑】子華神7月開騷 又係時候回顧金句錄

網絡熱話

將棟篤笑演得出神入化的黃子華,一早被港人譽為「子華神」,子華神呢期人氣爆燈,繼電影《棟篤特工》大收差不多近$4,000萬票房,昨日子華神代言的信用卡公佈消息,宣布黃子華在7月6日至22日在紅館連開17場棟篤笑,而子華神也在其FB專頁證實消息,仲講明「 不設巡迴,香港玩晒」!相隔4年再開棟篤笑,真係狗年一大喜訊呀!

Text & Source :東方新地|SundayMore

黃子華7月開棟篤笑 又係時候回顧金句錄

網友都好關心票價,今次又比2014年嘅《唔黐線 唔正常》上調不少,上次最貴飛都仲係$580,今次最貴就$880,其餘票價為$680、$480、$380、$280,唔少網民已經有撲飛的準備!另外,子華神棟篤笑門票一票難求,更有網站流傳能代訂黃子華2018棟篤笑門票,故子華神於FB專頁澄清:「子華及本會為避免有任何人士受騙而招致損失,現特別公告此並非官方授權售票網站。」

雖然棟篤笑仲未有得睇,不過子華神的金句語錄相信廣大的粉絲都不介意重溫!

1.「搵食啫!犯法呀?我想㗎!」
2.「錯就要認,要對方認!」
3.「損人不利己,不如跳井死!」
4.「大自然所有嘅動物都喺食物鏈上面。鏈嘅下層俾鏈嘅上層吃,一層一層咁鏈上去。」
5.「我覺得講得出『我好鍾意返工』呢句說話嘅人,一定係鬼上身。」

6.「香港嘅精神,就係『冇精神』。」
7.「阿媽標仔參,邊個畀贖金?」
8.「而家香港人生仔可以冇老婆,但唔可以冇菲傭。」
9.「而家香港嘅問題,係所謂嘅婆媳糾紛,係一種必然瀨嘢嘅關係,係咪?除非你個新抱可以喺第一日入門,就全心全意同奶奶講:『奶奶,我愛你!』」

10.「香港人而家打開報紙打開雜誌,就係睇緊《尋找X街的故事》。如果你起身就係要尋找一個X街,無人唔係X街,你只可以係未X街。但係你一定仆畀我睇。」

11.「化妝就係你落咗妝,我仲認得你;你落咗妝,我唔認得你,嗰啲叫做喬裝。」
12.「女人撞衫,仲大件事過撞車。」
13.「男人係愛情上係要求新鮮,而女人對愛情最大嘅要求就係保鮮。」
14.「你愛嘅,你得唔到;你唔愛嘅,你甩唔到。」
15.「一個男人點都會hurt過一兩個女人。但作為一個女人一世都未俾男人hurt過,咁就係真正嘅hurt啦!」

16.「若要人不知,唔好太低B。」
17.「唔在乎你有冇俾人姦,只在乎你交唔交到單!」
18.「比份糧你,一半係比你要嚟做嘢,另一半係比你要嚟受氣嘅。」
19.「我係一個無雀嘅… 唔係,我係一隻無腳嘅雀仔……」
20.「世事無絕對,只有無頭緒!」

21.「I am a man. You are a pen.」
22.「你食魚翅,我食粉絲;你揸Benz,我坐Bus。」
23.「一千幾百,猶如垃圾,富貴於我如浮雲⋯但係浮雲於我如命根啊。」
24.「樹要皮,但人… 唔一定要面。」
25.「你好巴閉咩?我夠有3個C啦,CHEAP、CHEAPER、CHEAPERPER!」

你可能也喜歡

Recommended