美麗

Jade同Utah分享美麗源於「懂得拒絕及選擇」

護膚保養

兩位本地時尚典範女性梁家玉(Jade)及李婉芝(Utah)都有個共通點,就係各自流露出一份獨特「美」,呢份「美」係一種態度,堅持追求人生自主︰懂得拒絕、懂得選擇,活出美麗人生。

Text︰YY

(Presented By EVE LOM)

無論喺大眾眼中或私人生活,Jade同Utah可謂「人生贏家」,既獨立又熱情,佢哋嘅美,係一種態度,一種由自己決定、永不妥協嘅美。

Jade Lui:懂得拒絕 活出美麗幸福

Jade拒絕被Mark嫂身份而框住自己,仲非常享受身兼賢妻、人母、美食作家等多重角色,更幫老公打理生意,就算生活再忙碌亦拒絕失去自主人生,「夢想擁有自己嘅Café,呢一刻未達成,咪喺屋企煮畀所愛嘅家人食都一樣,亦可以繼續進修、鑽研新菜式,只要佢哋食得開心,我就覺得好幸福;我唔覺得選擇一樣嘢,就等於要放棄另一樣嘢,而係學識點樣Balance。」因為呢份「懂得拒絕」態度,Jade可以保持容光煥發同愉快心情,幸福美就係咁簡單。

「掌握生活重心,選擇活得更自在。」 – Jade Lui

Utah Lee:懂得選擇 活出美麗自信

同樣係身兼多職嘅Utah,作為NikeMaster Trainer及私人專業健身教練、森巴舞導師及健身模特兒,同時又係人妻及兩個孩子嘅母親,對「美麗」有另一睇法,「運動讓我明白到,當你懂得選擇,你就可以Master Your Beauty」,更認為Fitness同Beauty唔係一種潮流或比較,跟住潮流走,都唔一定適合自己,「運動帶畀人突破,令人變得更好同時,亦令我更有自信,呢個就係真正嘅Beauty。」

「捉緊美麗源頭,你才會掌握屬於自己嘅美。」- Utah Lee

打破美麗常規

分享咗兩位同樣有要求,對人生、對美麗有自主睇法嘅個人經歷,你點可以仲隨波逐流呢?一於一齊「懂得拒絕、美麗自主」,探索屬於自己嘅美麗秘訣,令生命綻放出屬於你自己嘅美。

你可能也喜歡

Recommended